વર્ષ 2021માં આ Desi superfoodનો વિદેશમાં પણ હતો જલવો, જાણો તેના ફાયદા

Desi superfood: આ વર્ષે પણ આખી દુનિયામાં કોરોના (covid 19)નો ભારે ડર રહ્યો છે. કોરોનાથી બચવા માટે સમગ્ર વિશ્વમાં રોગપ્રતિકારક શક્તિ વધારવા પર ભાર મૂકવામાં આવ્યો હતો. આવી સ્થિતિમાં આપણી આયુર્વેદિક સારવાર અને દાદીમાના હજારો વર્ષ જૂના નુસ્ખા (home remedies)નો જાદુ સર્વત્ર બોલાઈ રહ્યો છે. આ વર્ષે ભારતની ઘણી ખાદ્ય ચીજોએ પશ્ચિમી દેશોમાં પોતાની આગવી ઓળખ બનાવી છે અને તેને સુપર ફૂડ (Indian superfood in abroad)નો દરજ્જો પણ આપવાનું શરૂ કરી દીધું છે.

સોશિયલ મીડિયા પર આવી કરોડો પોસ્ટ લખવામાં આવી છે જેમાં ભારતીય આયુર્વેદના ખજાનાની પ્રશંસા કરવામાં આવી છે. અમેરિકા , યુરોપમાં હળદર, આમળાથી માંડીને ઓઈસ પુલિંગ અને યોગની ઘૂમ રહી.

એ જ રીતે નારિયેળ, ઘી, રાગી સહિતની ઘણી ભારતીય ખાદ્ય ચીજોએ વિદેશમાં સુપર ફૂડનો દરજ્જો પ્રાપ્ત કર્યો છે. ચાલો જાણીએ કે 2021માં અમેરિકા, યુરોપ સહિત ઘણા દેશોમાં આપણી કઈ ખાદ્ય સામગ્રી લોકપ્રિય હતી.

ઘી (ghee)-  આપણા દેશમાં સદીઓથી ઘી શક્તિનો પર્યાય ગણાય છે. આ વર્ષે પણ તેને વિદેશમાં એક અલગ ઓળખ મળી છે. ઘણા કાર્ડિયોલોજિસ્ટ્સે સલાહ આપી છે કે રોટલી કે દાળ સાથે મર્યાદિત માત્રામાં ઘીનું સેવન કરવાથી હૃદય સ્વસ્થ રહે છે. તેમાં વિટામિન E હોય છે જે ઘણા એન્ટીઓક્સીડેન્ટથી ભરપૂર હોય છે.

કેળા (banana)- કેળાનો ઉપયોગ માત્ર પાચનતંત્રને ઠીક કરવા માટે જ નહિ પરંતુ તેનો ઉપયોગ મૂડ બનાવવા માટે પણ થાય છે. તેમાં રહેલા ફાઈબર, પોટેશિયમ, ફોલેટ, એન્ટીઓક્સીડેન્ટ્સ અને વિટામિન સીના કારણે તેને પણ સુપર ફૂડનો દરજ્જો મળ્યો છે. તેને હવે વિદેશમાં મૂડ બૂસ્ટર તરીકે ઓળખ મળી છે.

આંબળા (gooseberry)-HTની રિપોર્ટ મુજબ, આ વર્ષે સમગ્ર વિશ્વમાં આંબળાની ઘૂમ રહી હતી. ભારતમાં, તે અથાણાં, મુરબ્બા અને ચ્યવનપ્રાશના રૂપમાં ખાવામાં આવે છે. તે કાર્ડિયોવેસ્ક્યુલર ટોનિક અને રોગપ્રતિકારક શક્તિ બૂસ્ટર તરીકે વિદેશમાં જાણીતું બન્યું. બ્લડ શુગર ઘટાડવા માટે પણ આ વખતે વિદેશમાં આંબળાનું સેવન વધી ગયું છે. આંબળામાં રહેલું પોલીફિનોલ શરીરમાં ઓક્સિડેટીવ તણાવ ઘટાડવામાં મદદ કરે છે. તે ક્રોનિક આરોગ્ય સ્થિતિ સુધારે છે. આંબળા તેના એન્ટીઑકિસડન્ટ અને બળતરા વિરોધી માટે પણ જાણીતું છે. તે કેન્સર સામે લડવાની ક્ષમતા પણ ધરાવે છે.

હળદર (turmeric)- આપણા દેશમાં સદીઓથી હળદરનો ઉપયોગ અનેક રોગોની સારવારમાં કરવામાં આવે છે. હળદર એ ભારતીય રસોડામાં સૌથી જરૂરી ઘટકોમાંથી એક છે. તેમાં ક્યૂરાક્યૂમિન (curcumin) હોય છે જે એન્ટીઓક્સીડેન્ટ ગુણોથી ભરપૂર હોય છે. આ કારણોસર, હળદર એન્ટી-ઈન્ફ્લામેટરી બને છે જે કેન્સર જેવા રોગો સામે લડવામાં અસરકારક છે.