દરરોજ એક વાટકી દહીનું સેવન 10 રોગથી રાખશે દૂર!

લાઇફસ્ટાઇલ ડેસ્ક: દહીં પ્રોટીન, કેલ્શિયમ, રાઈબોફ્લેવિન, વિટામિન B6 અને વિટામિન B12 જેવા પોષક તત્વોથી ભરપૂર છે. પેટની કોઇપણ સમસ્યા માટે દહીં અક્સીર ઉપાય છે. આ સાથે જ દહીંનું સેવન તમારી સુંદરતા પણ વધારે છે. ત્યારે ચાલો નજર કરીએ દહીંનાં સેવનથી થતા ફાયદા પર

-ઘણાં લોકોને ભોજન બાદ એસિડીટીની સમસ્યા રહેતી હોય છે. તેવામાં દહીં રાહત અપાવે છે. દહીં શરીરના પીએચને બેલેન્સ રાખવામાં અક્સિર છે.

-ભોજન બાદ દહીં ખાવાથી પાચન વ્યવસ્થિત રીતે થાય છે.

-દહીં એક પ્રકારનું પ્રોબાયોટિક છે જે ખાસ પેટ માટે ઘણું ફાયદાકારક છે. ગરમીમાં રોજ દહીં ખાવાથી પેટમાં ઠંડક રહે છે અને હાડકાના વિકાસ માટે પણ ઉપયોગી છે.

-સાંધાના દુખાવામાં દહીં ઘણું જ લાભકારી છે. દહીમાં હીંગનો વઘાર કરી ખાવાથી રાહત મળે છે.

-દહીંમાં કેલ્શિયમ હોવાથી દાંત અને નખને મજબૂત બનાવવામાં કારગર છે. તેના સેવનથી માંસપેશી કાર્યરત રહે છે.

-દહીંમાં રહેલા લાભદાયી બેક્ટેરિયા આપણું સ્વાસ્થ્ય સારું રાખે છે. અને સ્કિનમાં પણ ચમક આવે છે.

-દહીંમાં પ્રોટીન, કેલ્શિયમ, રાઈબોફ્લેવિન, વિટામીન બી6 અને બી 12 હોય છે જે શરીર માટે ફાયદાકારક છે.

-દહીં વાળ માટે પણ ઉત્તમ છે. તે ખોડો અને ડ્રાયનેસ દૂર કરી વાળમાં કંડિશનરનું કામ કરે છે.

-દહીં સ્કિન માટે ઉત્તમ છે. ટેનિંગ હટાવવા તમે દહીંને ફેસ લગાવી જૂઓ. દહીં સાથે તમે બેસન પણ મિક્સ કરી શકો છો.