વરસાદની મોસમમાં રોજ ખાવ મકાઇ, ઘણાં બધાં છે ફાયદા

વરસાદની મોસમમાં કશું ગરમાગરમ ખાવાનું મન થાય તો સૌથી પહેલા મકાઇ યાદ આવે. વરસાદનો આનંદ લેતા લેતા ગરમાગરમ મકાઇ ખાવાની મઝા કદાચ જ કોઇએ માણી નહીં હોય. મકાઇ ખાવાની જેટલી મઝા આવે છે તેટલી જ તે સ્વાસ્થ્ય માટે પણ સારી છે. તો આજે આપણે જાણીએ મકાઇથી થતા ફાયદાઓ અંગે. એટલે હવે ફરી જ્યારે પણ મકાઇ ખાવ ત્યારે તેના ફાયદા યાદ કરીને ખાવાની મઝા ડબલ થઇ જશે.

પાચનક્રિયા મજબૂત બનાવે છે - મકાઇમાં વિટામીન એ, બી અને ઇનું ભરપૂર પ્રમાણ હોય છે. આ ઉપરાંત ખનિજનું પણ પૂરતું પ્રમાણ હોય છે. તેમાં રહેલા ફાયબર પાચન ક્રિયાને સારી બનાવે છે. તેનાથી કબજિયાત અને ગેસ જેવી સમસ્યા થવાનું જોખમ ઓછું થઇ જાય છે. ઇનસોલ્યુએબલ ફાઇબર હોવાથી આંતરડાંના રોગ, કબજિયાત વગેરે દૂર કરે છે.

મકાઇ આંખો માટે લાભકારક છે - આમાં વિટામિન એ હોવાને કારણે આંખોની રોશની વધે છે. આની સાથે જ મકાઇમાં રહેલુ કેરેટનનોયડ પણ આંખો માટે ઉત્તમ છે. મકાઇમાંથી એન્ટી ઓક્સીડેન્ટ મળી આવે છે. આ સાથે આંખોથી જોડાયેલી ઘણી બિમારીઓ થવાનું જોખમ ઓછું થઇ જાય છે.

બ્લડ પ્રેશર કંટ્રોલ કરે છે - મકાઇમાં રહેલુ સ્ટાર્ચ અને ફાયબર બ્લડ પ્રેશર કંટ્રોલ કરવામાં મદદ કરે છે.પ્રેગ્નન્સીમાં સારી - ફોલેટ વધુ હોવાથી નવા સેલ્સ બને છે, જે પ્રેગ્નન્સી દરમિયાન ફાયદાકારક છે પરંતુ તેનાથી ગેસ, અપચો થતા હોવાથી રાત્રે ન ખાવા.

ફેફસાંના કેન્સરને રોકવામાં મદદરૂપ - મકાઇમાં રહેલું બીટા-ક્રીપટોક્ઝાથીન ફેફસાંના કેન્સરને રોકવામાં મદદરૂપ થાય છે.