Onlineના ચક્કરમાં આંખોનું તેજ ન જોખમાય, ડાયેટમાં આજે જ સામેલ કરો આ ચાર વસ્તુઓ

આંખએ શરીરનું સૌથી નાજુક અંગ છે પણ આજકાલ લોકો મોટાભાગનો સમય મોબાઈલ કે કમ્પ્યુટરની સ્ક્રીન (Mobile, computer screen) સામે વિતાવે છે. જેનાથી આંખોને (Eye) ઘણું નુકસાન થાય છે. આંખોમાં બળતરા, અને પાણી નીકળવાની સમસ્યા પણ થતી હોય છે. આવી સમસ્યાઓથી બચવા અને આંખોનું તેજ વધારવા દરેક વ્યક્તિએ તેના ડાયેટનું (diet for healthy eyes) ધ્યાન રાખવું ખુબ જ જરૂરી છે. તો જાણીએ કેટલીક એવી વસ્તુઓ વિશે જે ખાવાથી તમારી આંખોનું તેજ જળવાઈ રહેશે.

ગાજર – ગાજરમાં વિટામિન, કેલ્શિયમ, આયરન, ફાઈબર મોટી માત્રામાં હોય છે. ગાજર આંખો માટે સૌથી વધુ ગુણકારી માનવામાં આવે છે. ગાજરનો સૂપ, સલાડ કે શાકની જેમ પણ ઉપયોગ કરી શકાય છે. જે લોકો ચશ્મા પહેરવા માંગતા નથી તેમને દિવસમાં એક વાર ગાજરનો જ્યુસ પીવો જોઈએ.

બદામનું દૂધ – બદામમાં ઘણાં જરૂરી તત્વો હોય છે. જેના માટે તમે બદામને પલાળીને કે દૂધમાં મીલાવીને તેને લઈ શકો છો. આંખોનું તેજ વધે તે માટે અઠવાડિયામાં 3-4 વાર દૂધમાં બદામ ઉકાળીને પીવાથી ઘણો ફાયદો થાય છે. તમે એક કપ બદામમાં ત્રણ કપ પાણી ઉમેરીને તેને મિક્ચરમાં ગ્રાઈન્ડ કરીને બદામનું દૂધ જાતે પણ બનાવી શકો છો. તે પણ ઘણું ફાયદાકારક છે.

લીલા શાકભાજી – આંખોનું તેજ જળવાઈ રહે તે માટે ડાયેટમાં લીલા શાકભાજીનો ચોક્કસ સમાવેશ કરો. પાલકની ભાજી આંખ માટે ખુબ સારી છે. પાલકની ભાજીનો સૂપ કે જ્યુસ લઈ શકાય. તેમાંથી અનેક પ્રકારની વાનગીઓ પણ બની શકે છે. લીલા શાકભાજીમાં એન્ટી ઓક્સિડેંટ્સ, આયરન, વિટામિન જેવા જરૂરી તત્વો હોય છે જે આંખો માટે ઘણાં જરૂરી છે.

ઈંડા – ઈંડામાં કેલ્શિયમ, સલ્ફર, એમિનો એસિડ, પ્રોટીન અને વિટામીન હોય છે. જે આંખો માટે ઘણું ફાયદાકારક છે. બ્રેકફાસ્ટમાં ઈંડા ખાવાથી અનેક ફાયદા થતા હોય છે.