Photos: કાશ્મીરનો ચશ્મે શાહી ગાર્ડન: પર્વતમાળાની તળેટીમાં શાહજહાંએ બંધાવેલા બગીચાનો અદભુત નજારો

સંજય ટાંક, કશ્મીર: વેકેશનનો માહોલને ફુલગુલાબી ઠંડીના માહોલમાં કાશ્મીર (Kashmir Travel) સહેલાણીઓથી ઉભરાયું છે. કશ્મીરના ફરવા અને માણવા લાયક સ્થળોમાનું જ એક છે ચશ્મે શાહી ગાર્ડન (chashme shahi garden). જેના આહલદક દ્રશ્યો અહીં હાલ આકર્ષણનું કેન્દ્ર બન્યા છે. આ ગાર્ડનમાં પહાડોમાંથી કુદરતી રીતે આવતું પાણી આકર્ષણનું કેન્દ્ર બન્યું છે.

કાશ્મીરમાં મોટી સંખ્યામાં પ્રવાસીઓ આવી રહ્યા છે. અને દરેક જોવાલાયક સ્થળો પર સહેલાણીઓનો ધસારો જોવા મળી રહ્યો છે. ચશ્મે શાહી ગાર્ડન , જેનો અર્થ થાય છે ' ધ રોયલ સ્પ્રિંગ '.  શ્રીનગરમાં ઝબરવાન પર્વતોની તળેટીમાં આવેલું છે આ ચશમે શાહી ગાર્ડન. આ ગાર્ડન  શાહજહાં - મુઘલ સમ્રાટ - 1632માં તેમની દેખરેખ હેઠળ આ બગીચો નાખ્યો હતો .

108 મીટર લંબાઇ અને 38 મીટર પહોળાઈ ધરાવતા વિસ્તારને આવરી લેતો આ બગીચો શહેરના ત્રણ મુઘલ બગીચાઓમાં સૌથી નાનો છે.  અહીં આવતા પ્રવાસીઓ જણાવે છે કે આ ચશ્મે શાહી ગાર્ડનની વિશેષતાએ છે કે અહીં તાજા પાણીનું કુદરતી ઝરણું છે.

બગીચામાં ત્રણ ટેરેસ ફોર્મેશન છે , જે લીલાછમ લીલોતરી અને રંગબેરંગી ફૂલોથી બિછાવેલા છે . ઘણા ફુવારા અને ધોધ આ બગીચાના લીલાછમ છોડ અહીંની જગ્યાને શણગારે છે. વેકેશનના માહોલમાં દેશના અલગ અલગ રાજ્યોમાંથી આવતા સહેલાણીઓ ખુશખુશાલ થઈ જાય છે.

અહીં કશ્મીરમાં પહાડો અને પર્વતો વચ્ચે છવાયેલા વૃક્ષો અને ફુલગુલાબી ઠંડીની મૌસમ અહીંની સુંદરતાને ઔર નિખારી રહ્યા છે. એટલુંજ નહિ અહીં કશ્મીરી પહેરવેશના કલોથ, વુલન કલોથ, કશ્મીરી કાવા અને અહીં જે સૌથી વધુ જોવા મળે છે તે કશ્મીરી સફરજન ડ્રાયફ્રૂટ્સ પણ પ્રવાસી આકર્ષી રહ્યા છે.

કશ્મીર હાલ લાખો પ્રવાસીઓથી ઉભરાયું છે. ઠંડીના માહોલમાં પણ પ્રવાસીઓ ધસારો વધી રહ્યો છે. અહીંના ચશ્મે શાહીગાર્ડન, હઝરત બાલની દરગાહ, તુલિપ ગાર્ડન, મુગલ ગાર્ડન અને બર્ફીલા પહાડો પ્રવાસીઓના મનને પ્રફુલ્લિત કરી રહ્યા છે.