ડાયાબિટીસના દર્દીઓ રોજ કરે આ 5 નાનકડા કામ, હંમેશા કંટ્રોલમાં રહેશે બ્લડ સુગર; સાથે થશે આ ફાયદા

Diabetes Management Tips: દુનિયાભરમાં કરોડો લોકો ડાયાબિટીસની સમસ્યા સામે ઝઝૂમી રહ્યા છે. આ રોગમાં વ્યક્તિના શરીરમાં ઇન્સ્યુલિનનો યોગ્ય રીતે ઉપયોગ થતો નથી અને બ્લડ સુગર વધી જાય છે. ડાયાબિટીસના દર્દીઓએ તેમના બ્લડ સુગરને કંટ્રોલમાં રાખવું જોઈએ કારણ કે વધુ પડતું બ્લડ સુગર ગંભીર સ્થિતિનું કારણ બની શકે છે.

ડાયાબિટીસના કારણે ઘણી વખત હાર્ટ એટેક જેવી સ્થિતિ પણ જોવા મળે છે. આ જ કારણ છે કે આવા દર્દીઓને હંમેશા બ્લડ શુગર કંટ્રોલ કરવાની સલાહ આપવામાં આવે છે. તમને જાણીને નવાઈ લાગશે કે ઘરે બેઠા કેટલાંક નુસ્ખા અપનાવીને તમે ડાયાબિટીસને સરળતાથી મેનેજ કરી શકો છો.

સેન્ટર ફોર ડિસીઝ કંટ્રોલ એન્ડ પ્રિવેન્શન (CDC)ના રિપોર્ટ અનુસાર, જો ડાયાબિટીસના દર્દીઓ લાંબા સમય સુધી બ્લડ સુગરને કંટ્રોલ કરે તો હાર્ટ, કિડની અને આંખના રોગોથી બચી શકાય છે. જો બ્લડ સુગર નોર્મલ અથવા તેની આસપાસ રહે તો તમારી એનર્જી વધશે. આ સાથે, તે મૂડને સારો રાખવામાં પણ મદદ કરી શકે છે.

સામાન્ય બ્લડ સુગર 80 થી 130 mg/dL ની વચ્ચે હોય છે. ડાયાબિટીસના દર્દીઓએ દરરોજ બ્લડ સુગર મોનિટર કરવું જોઈએ અને તે મુજબ સ્વાસ્થ્યનું ધ્યાન રાખવું જોઈએ.

ડાયાબિટીસને કંટ્રોલ કરવાની 5 સરળ રીતો : ડાયાબિટીસને કંટ્રોલ કરવા માટે દરરોજ કસરત કરવી જોઈએ. તમે જેટલા વધુ એક્ટિવ રહેશો તેટલી જ તમારું બ્લડ સુગર કંટ્રોલમાં રહેશે. જો કે, જો તમારા યૂરિનમાં કીટોન્સ હાજર હોય, તો કસરત કરશો નહીં. આવી સ્થિતિમાં તમારે ડૉક્ટરની સલાહ લેવી જ જોઇએ.

ડાયાબિટીસને કંટ્રોલ કરવામાં ખાન-પાન મહત્વપૂર્ણ ભૂમિકા ભજવે છે. તમારે વધારે ગળી કે મીઠાવાળી વસ્તુ ન ખાવી જોઈએ અને ફળો અને શાકભાજીનું સેવન કરવું જોઈએ. હાઈ કેલરી, સેચ્યુરેટેડ ફેટ, ટ્રાન્સ ફેટનું ઓછામાં ઓછું સેવન કરવું જોઈએ. તમે ડાયેટિશિયનને મળીને ડાયેટ પ્લાન તૈયાર કરી શકો છો.

ડાયાબિટીસના દર્દીઓએ સમયસર ભોજવ લેવું જોઈએ. ભોજન ટાળવાથી તમારું બ્લડ સુગર વધી શકે છે. ખાલી પેટે રહેવાથી તમને બીજી ઘણી સમસ્યાઓ પણ થઈ શકે છે. એટલા માટે સમય સમય પર હેલ્ધી વસ્તુઓ ખાઓ અને જંક ફૂડથી દૂર રહો.

જો તમે જ્યૂસ કે સોડા પીવાના શોખીન છો તો તમારે આ આદત તરત જ બદલી નાખવી જોઈએ. તેના બદલે, તમે થોડા સમય પછી પાણી પી શકો છો. આ તમને હાઇડ્રેટેડ રાખશે અને તમારુ બ્લડ સુગર કંટ્રોલમાં રહેશે. સોડા અથવા અન્ય શુગરી ડ્રિંક્સ પીવાથી બ્લડ શુગરમાં ઝડપી વધારો થઈ શકે છે. આવી સ્થિતિમાં આ વસ્તુઓથી અંતર રાખો.

આલ્કોહોલનું સેવન કરવાથી પણ ડાયાબિટીસના દર્દીઓનુ બ્લડ સુગર ઝડપથી વધી શકે છે. આવા દર્દીઓએ આલ્કોહોલિક ડ્રિંક્સથી દૂર રહેવું જોઈએ.