વાળ ખરે છે? ગ્રોથ અટકી ગયો છે? સિલ્કી કરવા છે? તો મેથી છે બેસ્ટ, જાણો 5 અસરકારક રીત

વાળ માટે મેથી અનેક રીતે ફાયદાકારક છે. આર્યુવેદમાં મેથીનું ઘણું મહત્વ રહેલું છે. મેથી હેલ્થ માટે પણ એટલી જ ગુણકારી છે. મેથીનો ઉપયોગ તમે રેગ્યુલર વાળમાં કરો છો તો વાળની ક્વોલિટીમાં સુધારો થાય છે. મેથીમાં ફાઇબર, પ્રોટીન, કાર્બ્સ, ફેટ, આયરન, મેગ્નેશિયમ જેવા તત્વો હોય છે જે વાળ માટે અનેક રીતે ફાયદાકારક છે.

ફણગાવેલી મેથી વાળ માટે અનેક રીતે ફાયદાકારક છે. આ માટે તમે મેથીને રાત્રે પલાળી દો અને સવારમાં મેથીને ફણગાવવા માટે કપડામાં બાંધી દો. સાંજના તમે જોશો તો મેથીમાં ફણગા ફુટ્યા હશે. આ મેથી વાળ માટે ફાયદારૂપ છે. આ બીને ક્રશ કરીને તમે વાળમાં નાંખો. મેથીના આ બી વાળમાં ખોડો, વાળ ખરવા જેવી અનેક સમસ્યાઓમાંથી છૂટકારો અપાવે છે.

વાળમાં તમે મેથીનું પાણી પણ લગાવી શકો છો. મેથીના પાણીમાં અનેક તત્વો રહેલા છે જે તમારા વાળને પોષણ આપવાનું કામ કરે છે. વાળમાં મેથીનું પાણી લગાવવાથી ખોપડીમાં રક્ત પ્રવાહને સારું કરવામાં મદદ મળે છે. મેથીનું આ પાણી તમે રેગ્યુલર વાળમાં લગાવો છો તો હેર ગ્રોથ ફટાફટ થાય છે અને સાથે વાળ સિલ્કી પણ થાય છે.

વાળમાં તમે મેથી સિરમનો પણ ઉપયોગ કરી શકો છો. મેથી સિરમ તમારા વાળને સિલ્કી કરવાનું કામ કરે છે. આ સિરમ લગાવવાથી વાળ ખરતા બંધ થઇ જાય છે. આ સાથે જ તમારા હેર સિલ્કી પણ થાય છે.

બજારમાંથી અથવા તો તમે ઘરે જાતે જ મેથીનું તેલ બનાવી શકો છો. મેથીનું તેલ તમારા વાળને પોષણ આપવાનું કામ કરે છે. મેથીના તેલથી ખરતા વાળ બંધ થાય છે અને સાથે ગ્રોથ ફટાફટ વધે છે.