હંમેશા કાળી ટીલ્લીવાળા કેળા ખરીદો, હેલ્થ માટે કેળા ખુબ ફાયદાકારક છે

વધારે પાકી ગયેલ કેળાની છાલ પર કાળા ડાઘ આવી જાય છે, તો કેટલાએ લોકોને લાગે છે કે આ કેળુ ખરાબ થઈ ગયેલું છે, અને પછી તેને ફેકી દેવામાં આવે છે. પરંતુ શું તમને ખબર છે કે આજ કાળા ડાઘ વાળા કેળા સ્વાસ્થ્ય માટે કેટલા ફાયદાકારક છે?

જ્યારે કેળુ વધારે પાકી જાય, ત્યારે તેનો ગુણ પણ વધી જાય છે. એક રિસર્ચ અનુસાર ખબર પડી છે કે, આવા કેળામાં કેંસર સામે લડવાની પણ તાકાત હોય છે અને ઈમ્યુનિટી વધારવાનો પણ ગુણ વધી જાય છે.

આમાં એંટીઓક્સિડેંટની માત્રા અને વાઈટ બ્લડ સેલ્સ વધારવાની ક્ષમતામાં વધારો થાય છે. તો હવે બજારમાંથી કેળા ખરીદો તો પાકા કેળા જોવા, અને તેને ફેકવાની જગ્યાએ ખાઈ જવા.

કેળા બ્લડ પ્રેશરને રાખે છે નિયંત્રણમાં: કેળામાં પોટેશિયમની માત્રા વધારે હોય છે અને સોડિયમની માત્રા ખુબ ઓછી. આજ કારણ છે કે કેળાથી બ્લડ પ્રેશર નિયંત્રણમાં રહે છે. કેળા શરીરમાં પાણીની અછત નથી થવા દેતા. કેળા ખાવાથી પેટની બળતરા, ગેસ, એસિડિટીથી રાહત મળે છે. આના માટે કેળાને ખાંડ સાથે ભેળવી ખાવા વધારે ફાયદાકારક રહે છે. મેગ્નેશિયમની ભરપૂર માત્રાના કારણે કેળા સરળતાથી પચી જાય છે, જેથી શરીરનું મેટાબોલિજ્મ સારૂ રહે છે.

એનર્જી આપે છે - વર્કઆઉટ પહેલા બે કેળા આવા ખાઈ લેવાથી શરીરને લાંબો સમય સુધી એનર્જી મળતી રહે છે. કેળા એનીમિયા પણ દૂર કરે છે. કેળા ખાવાથી લોહીમાં આયરન વધે છે, જેથી હિમોગ્લોબિનમાં પણ વધારો થાય છે, અને શરીરને તાકાત મળે છે. જ્યારે તમને પેટમાં ચાંદી હોય છે ત્યારે તમને કેટલીએ પ્રકારના ખાદ્ય પદાર્થ ખાવાની મનાઈ કરી દેવામાં આવે છે, પરંતુ તમે કાળા ડાઘ વાળા કેળા આરામથી ખાઈ શકો છો.

પીએમએસથી રાહત - માસિક ધર્મના સમયમાં જ્યારે તમારો મૂડ ખરાબ હોય તો કેળું ખાઈ લેવું જોઈએ. કેળાથી બ્લડ શુગરનું લેવલ રહે છે, અને આમાં વિટામીન બી હોવાના કારણે તમે રિલેક્સ રહેશો અને તમારો મૂડ પણ સારો રહેશે.