આ બે પેક ઘરે બેઠા જ લાવશે વાળમાં કુદરતી ચમક અને ગ્રોથ

લાઇફ સ્ટાઇલ ડેસ્ક : આ કોરોના સમયમાં ઘરમાં રહી રહીને વાળની કેર કરવી અઘરી થઇ ગઇ છે. ન તો સલૂન જઇને હેર વોશ કરાવી શકતા નથી. ત્યારે અમે આપનાં માટે એવાં ઘરગત્થુ ઉપાય લઇને આવ્યા છીએ જે શુષ્ક બેજાન વાળને સુંદર અને ચમકીલા બનાવી દેશે. આ માટે આપે કેમિકલયુક્ત શેમ્પૂ અને કન્ડિશનરનો ઉપયોગ પણ નહીં કરવો પડે. જેના કારણે વાળની ચમક એકદમ ગાયબ થઇ જાય છે. આજે આપણે કુદરતી રીતે વાળની ચમક લાવી શકે તેવા ઘરે બનતા બે પેક વિશે વાત કરીએ.

આ દરેક સામગ્રીને મિક્સ કરીને પેસ્ટ બનાવી લો. જેને 15-30 મિનિટ સુધી તમારા વાળમાં લગાવીને રાખો અને ત્યાર પછી તેને માઇલ્ડ શેમ્પુથી ધોઇ લો. તેનાથી વાળ મુલાયમ થવાની સાથે વાળમાં શાઇન પણ આવી જશે.

કેળા અને મધ- કેળા અને મધ વાળને મોઇશ્ચરાઇઝ કરી દે છે. જેને તમે અઠવાડિયામાં 2 વખત લગાવી શકો છો. આ ઉપાય કરવાથી તમારા વાળમાં ચમક આવી જશે.સામગ્રી 1 નંગ – કેળું(ક્રશ કરેલું), 1 નંગ – ઇંડુ, 3 ચમચી – દૂધ, 3 ચમચી – જૈતુનનું તેલ

વાળની સમસ્યા માટે મહેંદી એ એક પ્રાકૃતિક ઉપચાર છે. આપણાં નાની, દાદી આનો લાભ ઉઠાવતાં હતા. આનો પ્રયોગ કર્યા પછી કોઇ મોંઘા સલૂનમાં જવાની જરૂર નહીં પડે. ઉપરથી તમે તમારી ફુરસદથી ઘરે બેઠાં જ સરળતાથી તેનો પ્રયોગ કરી શકશો.

દૂધ અને મહેંદી- એક બાઉલ લીલી મહેંદીના પાઉડરને લઇને તેમા ગરમ દધ (ગાયનું દૂધ) ઉમેરી પાતળો લેપ બનાવી લો. તેને બરાબર મિક્સ કરી લો. જ્યારે આ લેપ ઠંડો થાય એટલે તેને વાળના મૂળમાં લગાવી લો. 20 મિનિટ સુધી રાખી મૂકો. ત્યાર પછી વાળને શેમ્પુથી ધોઇ લો. આ ડીપ કન્ડીશનર દ્રારા તમારા વાળને ખૂબ પોષણ મળશે સાથે જ વાળ સુંદર અને શાઇનિ પણ થઇ જશે.