રોજબરોજના આહારમાં આ છ વસ્તુ ઉમેરો, કોલેસ્ટ્રોલનું સ્તર આવશે નીચું

ન્યૂઝ18 ગુજરાતી : આજકાલ આપણી લાઇફસ્ટાઇલથી જ અનેક સમસ્યાઓ અને બીમારીઓને આકર્ષતા હોઇએ છીએ. તેવી જ એક બીમારી છે કોલેસ્ટ્રોલ. કોલેસ્ટેરોલ ઘટાડવા માટે વપરાતી કેટલીક દવાઓથી માંસપેશીઓમાં દુખાવો પેદા થાય છે. લીવરને પણ નુકસાન થાય છે. કેટલીક એવી દવાઓ છે કે જેનાથી કોલેસ્ટેરોલ ઓછું થાય છે, પણ બ્લડસુગર અને યુરિક એસિડ વધી જાય છે. દવાઓના સેવનથી કોલેસ્ટેરોલનું સ્તર ભલેને નીચે આવી જાય, પણ આડઅસર અન્ય મુશ્કેલીઓ વધારે છે. કેટલાક પ્રકારના આહાર લેવાથી તમે કોલેસ્ટેરોલની માત્રાને નિયંત્રિત કરે છે. આવો જોઈએ કેટલાક આહાર જે કોલેસ્ટેરોલ સ્તર નીચું કરવામાં મદદ કરી શકે છે.

1. ઉગેલા અનાજ - એક અભ્યાસથી આ વાત સામે આવી છે કે જે લોકોના ભોજનમાં આખા અનાજ જેવા અંકુરિત ધાન્યનો સમાવેશ થાય છે. તેમની કૈરોટિડ આર્ટરીની દિવાલ પાતળી રહે છે. સાથે સાથે તેઓ જલ્દી જાડા પણ નથી થતા.

2. પિસ્તા,અખરોટ,બદામ - અમેરિકાની કોલેજ ઓફ કાર્ડોયોલોજીના જર્નલમાં એક શોધ અભ્યાસ પ્રકાશિત થયો છે. જે મુજબ પિસ્તા ખાવાથી ખરાબ કોલેસ્ટ્રોલનુ સતર ઘટી જાય છે. અખરોટ દ્વારા દિલથી થતી બીમારીથી બચી શકાય છે. પિસ્તા,અખરોટ અને બદામમાં રહેલ ઓમેગા-3 ફેટી એસિડ અને એન્ટિઓક્સિડેન્ટસ વસાયુક્ત ભોજનમાં રહેલ સેચુરેટેડ ફેટ્સ દ્વારા આર્ટરીને થનાર નુકશાનની ભરપાઈ કરી શકાય છે.

3. અળસીનુ તેલ - આ તેલ અળસીમાંથી બનાવવામાં આવે છે. આ તેલના ઉપયોગથી હાઈ બીપીને નિયંત્રિત કરી શકાય છે. અભ્યાસ દ્વારા જાણી શકાય છે કે જે મધ્યઆયુ વર્ગના પુરૂષોએ આઠ ગ્રામ અળસીના બીજ નિયમિત રૂપે ખાધા તેમને બીપી ઓછુ થયુ છે. આ તેલમાં પુષ્કળ પ્રમાણમાં ઓમેગા-3 ફૈટી એસિડ્સ હોય છે.

4. કાળા સોયાબીન - સાયન્સ અને ફૂડ એન્ટ એગ્રીકલ્ચર અમેરિકાના જર્નલમાં પ્રકાશિત એક અભ્યાસ મુજબ કાળા સોયાબીનનો ઉપયોગ કરવાથી મેદસ્વીતા ઓછી થાય છે. એલડીએલ કોલેસ્ટ્રોલ, સાથે જ ટાઈપ-2 ડાયાબિટીઝનુ જોખમ પણ ઓછુ થાય છે.

5. દાડમનો રસ - દાડમનો રસ નાઈટ્રિક ઓક્સાઈટનુ ઉત્પાદન વધારી દે છે. નાઈટ્રિક એસિડથી આર્ટરીમાં જામેલી ચરબીના સ્તરને ઘટાડવામાં મદદ મળે છે.

6. દહીં - સૌથી મહત્વપૂર્ણ ખાદ્ય પદાર્થ છે દહી, જે ખરાબ કોલેસ્ટ્રોલને ઓછુ કરવામાં તમારી મદદ કરે છે. દહીંમા રહેલા પ્રોબાયોટિક્સ લેક્ટોબેસિલિયસ એસિડોફિલિસ કોલેસ્ટ્રોલનુ સ્તર ઘટાડવામાં મદદરૂપ સાબિત થાય છે.