5 TIPS: કુદરતી રીતે ભૂખને નિયંત્રિત કરતી આ ટીપ્સ અપનાવો અને રહો સ્વસ્થ

લાઇફ સ્ટાઇલ:  સારા જીવન માટે ભોજન ખૂબ જ જરૂરી છે. વધુ માત્રામાં ભોજન કરવાથી સ્વાસ્થ્ય પર અસર થઈ શકે છે. વધુ ભોજનની જગ્યાએ પોષણયુક્ત ભોજનનું સેવન કરવું જોઈએ. અનેક વ્યક્તિઓને ખૂબ જ વધુ ભૂખ લાગે છે, જેના કારણે તેઓ સતત ભોજન કરતા રહે છે. ભૂખ વધવાને કારણે વજન વધી શકે છે

<br />વજન વધવાથી શરીરમાં મેદસ્વીતા, કૉલસ્ટ્રોલ તથા હ્રદય રોગ થવાની સંભાવના વધી જાય છે. સારા સ્વાસ્થ્ય માટે ભૂખને નિયંત્રિત કરવી ખૂબ જ જરૂરી છે. અહીં ભૂખને નિયંત્રિત કરવા અંગેની વિગતવાર જાણકારી આપવામાં આવી છે.

વધુ માત્રામાં પાણી પીવું (Drink Water)- વધુ માત્રામાં પાણી પીવાથી અનેક પ્રકારની સમસ્યાથી રાહત મળે છે. પર્યાપ્ત માત્રામાં પાણી પીવાથી ભૂખ ઓછી લાગે છે અને સ્વાસ્થ્યને અનેક પ્રકારના લાભ થાય છે. દિવસ દરમિયાન યોગ્ય સમયાંતરે પાણી પીવાથી ભૂખને નિયંત્રિત કરી શકાય છે. ઓછી માત્રામાં ભોજન કરવા માટે જમવા બેસતા પહેલા પાણી પી લેવું જોઈએ.

નાશ્તામાં ઈંડાનું સેવન કરો (Have Eggs in Breakfast)-  પ્રોટીનયુક્ત આહારનું સેવન કરવાથી ભૂખ ઓછી લાગે છે. સવારે નાશ્તામાં સેવન કરવાથી ભૂખ વધુ લાગતી નથી. જો તમે શાકાહારી છો તો તમે સવારે નાશ્તામાં પનીર, દાળ તથા સોયાબીનનું સેવન કરી શકો છો. પ્રોટીનયુક્ત આહારનું સેવન કરવાથી પેટ વધુ સમય સુધી ભરેલું રહે છે.

બદામનું સેવન કરો (Munch on Almonds)- ભૂખ લાગે ત્યારે બદામનું સેવન કરવું જોઈએ જેનાથી ભૂખ ઓછી લાગે છે. બદામમાં વિટામીન ઈ, એન્ટીઓક્સિડેન્ટ અને મેગ્નીશિયમ હોય છે. બદામનું વધુ સેવન ન કરવું જોઈએ. આખા દિવસ દરમિયાન તમે એક મુઠ્ઠી બદામનું સેવન કરી શકો છો.

અળસી (Flaxseeds)- અળસીમાં ભરપૂર માત્રામાં ફાઈબર અને ફેટી એસિડ રહેલા છે જેનાથી વધુ ભૂખ લાગચી નથી. સલાડમાં અળસી પણ શામેલ કરવી જોઈએ અને દિવસમાં એક વાર તો અળસીનું સેવન કરવું જ જોઈએ. અળસી ખાવાથી શરીરને અનેક પ્રકારના સ્વાસ્થ્યલાભ પ્રદાન થાય છે.

ભોજન કરતા પહેલા કસરત કરવી (Exercise)- ભોજન કરતા પહેલા પાણી પીવાથી ભૂખ ઓછી લાગે છે. આ પ્રકારે ભૂખને નિયંત્રિત કરવા માટે કસરત કરવી પણ જરૂરી છે. કસરત કર્યા બાદ શરીરને થાક લાગવાથી ભૂખ ઓછી લાગે છે. દિવસમાં 20 મિનિટ કસરત કરવી આવશ્યક છે.