રોજિંદા રૂટીનમાં આ 4 યોગસનને ઉમેરશો, તો નમણી કાયાની તમારી ઇચ્છા જલ્દી પુરી થશે

આકર્ષણ, નમણી અને સુડોળ કાયાની ઇચ્છા 20 વર્ષ પછી દરેક મહિલા ધરાવતી હોય છે. પણ ઉંમરના પડાવ, જવાબદારીઓ અને લાઇફસ્ટાઇલના કારણે આપણે આ ઇચ્છા ખાલી સપનામાં જ જોવાનો વારો આવે છે. પણ હાલ જ્યારે અનલૉકની પ્રક્રિયા ચાલી રહી છે ત્યારે તમારી પાસે ફરી એકવાર તમારા શરીરને ફિટ કરવાનો સમય છે. તો જો તમે સુડોળ શરીર ઇચ્છો છો તો તમારા રોજના જીવનમાં ચાર યોગાસન ઉમેરી શકો છો જે તમારા શરીરને સુડોળ અને સુંદર બનાવશે.

વીરભદ્રાસન- વીરભદ્રાસન સૌથી સુદ્રધ યોગ મુદ્રામાંથી એક છે. આમ કરવા માટે પહેલા તમારા પગને ચિત્રમાં જણાવ્યું છે તે રીતે ફેલાવો અને કમરથી સીધા ઊભા રહો. અને બંને હાથને છબીમાં બતાવવામાં આવ્યા તે રીતે ઉપરની તરફ ખેંચો. પછી બીજા પગ સાથે પણ આજ રીતે કરો.

નૌકાસન- આ યોગસન કરવામાં પીઠના બળે સુઇ જાવ. બંને પગને સાથે જોડીને પોતાના હાથ શરીરને ઉપરની તરફ ખેંચીને ચિત્રમાં બતાવ્યું છે કે સ્થિતિમાં આવો. શ્વાસ છોડી આ સ્થિતિમાં રહેવાનો પ્રયાસ કરો. અને ફરી પીઠના બળે સુઇ જાવ. 6-6 ત્રણ સેટ આ રીતે કરો.

બદ્ઘ કોણાસન- આ આસન કરવા માટે પગની સીધા બેસો અને પછી ચિત્રમાં બતાવ્યું છે તે રીતે પોતાના પગ વાળો. અને તળીયાની પગને પકડી, પગ અંદરની તરફ લઇ જવાનો પ્રયાસ કરો. અને ઘૂંટળને જમીન તરફ રાખવાનો પ્રયાસ કરો. 60 સેકન્ડ માટે આ સ્થિતિમાં બેસો, અને કમર પણ ટટ્ટાર રાખો.

ઉત્કટાસન - યોગ વિજ્ઞાનમાં ઉત્કટાસનને ચેર પોઝ પણ કહે છે. પગને ફેલાવીને ઊભા રહો. ચિત્રમાં બતાવ્યું છે તેમ હાથ આકાશમાં ઊંચા કરો. અને પછીં ઘૂંટળવાળો. અને તેવી રીતે બેસો જાણે તમે કોઇ કાલ્પનિક ખુરશી પર બેઠા હોવ. એક મિનિટ સુધી આ રીતે બેસવાનો પ્રયાસ કરો.