Vegetarian Actors: આ 12 સેલિબ્રિટીઝ છે સંપૂર્ણ શાકાહારી, જોઇ લો તેમની હોટ એન્ડ ફિટ બોડી

માંસાહારી લોકોનું શરીર (Body) વધુ સ્નાયુબદ્ધ, ફિટ અને હોટ હોવાની માન્યતા લોકોના મનમાં હોય છે. પરંતુ અમિતાભ બચ્ચન, શાહિદ કપૂર, વિદ્યુત જામવાલ, આમિર ખાન, આલિયા ભટ્ટ, અનુષ્કા શર્મા સહિતના શાકાહારી કલાકરો (Vegetarian celebrity)એ આ માન્યતાને ખોટી ઠેરવી છે. ખાવા પીવાના શોખીનો માટે સૌથી મોટી વાત એ છે કે, શાકાહારી ખોરાકમાં માંસાહાર કરતા ખાવા પીવાના વધુ ખૂબ વિકલ્પો અને ટેસ્ટ મળે છે. બીજી તરફ માંસાહારી ખોરાક હૃદય રોગ, હાઈ કોલેસ્ટ્રોલ, ચરબી, બ્લડ પ્રેશર જેવી સમસ્યાઓને આમંત્રણ આપે છે. જ્યારે શાકાહારી ખોરાક બ્લડ પ્રેશર ઘટાડવા, ફાઇબર, ફાયટોકેમિકલ્સ, ફોલિક એસિડ, વિટામિનસી, વિટામિન ઈ, ફોલિક એસિડ, ફાઇબરના વધુ સેવન જેવી તમામ દ્રષ્ટિએ ફાયદાકારક છે. શાકાહારી ખોરાકના ફાયદાના કારણે જ અત્યારે વિશ્વમાં શાકાહારી ખોરાક તરફ લાખો લોકો વળી રહ્યા છે. ટોચના સેલેબ્સ (Bollywood Celebrities)પણ શાકાહારી ખોરાક પદ્ધતી સ્વીકારે છે. જેથી આજે અહીં હોટ અને ફિટ શાકાહારી સેલેબ્સ અંગે વાત કરવામાં આવી છે.

શાહિદ કપૂર- માંસાહારી કરતાં શાકાહારી ખોરાકની સારી અસર થતી હોવાનું શ્રેષ્ઠ ઉદાહરણ શાહિદ કપૂર છે. 2003માં શાહિદ કપૂરે લાઈફ ઈઝ ફેર બાય બ્રેઈન હાઈન્સ (Life is Fair by Brain Hines) પુસ્તક વાંચ્યા બાદ નોનવેજ ખોરાક છોડી દીધો હતો. આ પુસ્તક તેના પિતા અને બોલિવૂડના દિગ્ગજ અભિનેતા પંકજ કપૂરે ભેટમાં આપ્યું હતું

કંગના રનૌત- સુંદર અભિનેત્રી કંગના રનૌત નિયમિત પણે યોગ અને ધ્યાન કરીને તંદુરસ્ત જીવનશૈલી જીવે છે. તે દરરોજ ફળ અને બદામ ખાય છે. બોલિવૂડમાં ખ્યાતિ મેળવતા પહેલા અભિનેત્રી માંસાહારી હતી, પરંતુ 2013 બાદ તેણે માંસાહાર છોડી દીધું હતું.

જ્હોન અબ્રાહમ- આજે જ્હોન અબ્રાહમ બોલિવૂડનો ટોચનો કલાકાર ગણાય છે. તેનું બોડી બોલિવૂડના સૌથી સ્નાયુબદ્ધ બોડી પૈકીનું એક છે. તેણે સાબિત કર્યું છે કે, કોઈ પણ માંસ વિના આવું સ્નાયુબદ્ધ શરીર બનાવી શકાય છે. જ્હોન અબ્રાહમ મનુષ્યો જ નહીં પરંતુ પ્રાણીઓ પર પણ ખૂબ દયાળુ છે.

કાર્તિક આર્યન- નવી પેઢીનો ઉગતો સિતારો કાર્તિક આર્યન ખૂબ જ મોહક છે. તે પ્રાણીઓ પ્રત્યે ખૂબ દયાળુ છે. તેણે બોલિવૂડમાં પોતાનું આગવું સ્થાન બનાવ્યું છે. તેની ફિટનેસ અમેઝિંગ છે.

અનુષ્કા શર્મા- અનુષ્કા શર્મા જીવદયા પ્રેમી છે. તેણે 1 મે 2018ના રોજ તેના 30મા જન્મદિવસ નિમિતે એનિમલ શેલ્ટર ખોલવાની જાહેરાત કર્યા બાદ મુંબઈ નજીક તે શરૂ કર્યું હતું. અત્યારે અનુષ્કા શર્મા બોલિવૂડની સૌથી ફિટ અને સુંદર લીડ અભિનેત્રીઓમાં ગણાય છે.

આલિયા ભટ્ટ- આલિયા ભટ્ટે બોલિવૂડમાં ખૂબ ઝડપથી પોતાની જગ્યા બનાવી છે. તે અત્યારે સૌથી વધુ પૈસા રળતી બોલિવૂડ અભિનેત્રીઓ પૈકીની એક છે. તે મેથડ એક્ટ્રેસ હોવાથી અનેક ચાહકોને પસંદ છે. તે ફિટનેસ પ્રત્યે ખૂબ જાગૃત છે. પરિણામે તે ઓન અને ઓફ સ્ક્રીન દ્વારા લોકોને પ્રભાવિત કરે છે.

આમિર ખાન- આમિર ખાનના અભિનય પર કોઈ શંકા કરી શકાય નહીં. તે ફિલ્મોમાં પોતાના પાત્ર મુજબ પોતાના દેખાવ અને શરીરને ઢાળી શકે છે. આમિર ખાન શાકાહારી છે અને કિરણ રાવે તેને શાકાહારી બનવામાં મદદ કરી હોવાનું સ્વીકારી ચુક્યો છે. કિરણ રાવે શાકાહારી ખોરાક આરોગ્યપ્રદ જીવનશૈલી કઈ રીતે લાભદાયક નીવડી શકે તે અંગે કેટલાક વિડીયો તેને બતાવ્યા હતો.

જેક્લીન ફર્નાન્ડીઝ- ખુબસુરત અભિનેત્રી અને મોડેલ જેક્લીન ફર્નાન્ડીઝ અત્યાર સુધી બોલિવૂડમાં સફળ રહી છે. તે તેની ફિટનેસ માટે ખૂબ જ સજાગ છે. તેણે પોતાનું ફિગર ખૂબ જ સારી રીતે જાળવી રાખ્યું છે. પરિણમે જુડવા 2ની સહ-કલાકાર તાપસી પન્નુએ પ્રમોશન દરમિયાન તેના ફિગરની પ્રશંસા કરી હતી

વિદ્યા બાલન- એક સમયે ખૂબ સારી ફિર બોડી ધરાવતી વિદ્યા બાલન અત્યારે થોડી ફેટી છે, પરંતુ આજે પણ ખૂબ આકર્ષક દેખાય છે. સાડી અને પરંપરાગત વસ્ત્રોમાં તે ખૂબ સુંદર દેખાય છે અને લોકોને તેનો આ દેખાવ ગમે છે. વિદ્યા બાલનને વર્તમાન સમયની સૌથી પ્રતિભાશાળી અને કુશળ અભિનેત્રીઓમાંની ગણવામાં આવે છે.

વિદ્યુત જામવાલ- એક્શન હીરો વિદ્યુત જામવાલ ખૂબ જ ફિટ છે. તેના જેવું બોડી બનાવવા અનેક યુવાનો મહેનત કરે છે. વિદ્યુત જામવાલ પોતાની ફિલ્મોમાં સ્ટંટ અને એક્શન સિક્વન્સ પોતે જ કરે છે. તેની જંગલ મૂવી એક્શન એડવેન્ચર હતી અને આ ફિલ્મમાં માધ્યમથી તે લોકોની નજરમાં આવી ગયો હતો. આ ફિલ્મ માટે તેણે ઘણી મહેનત કરી હતી.

નેહા ધુપિયા- નેહા ધૂપિયા 40 વર્ષની થવા આવી છે. પરંતુ તેમ છતાં તેણે ફિટનેસ જાળવી રાખી છે અને પરિણામે તે ખૂબ જ યુવાન અને સુંદર દેખાય છે. હાલમાં નેહા ટેલિવિઝન શો રોડીઝ કરી રહી છે.

મલ્લિકા શેરાવત- મલ્લિકા શેરાવતની ગણતરી બોલિવૂડની બોલ્ડ અભિનેત્રીઓમાં થાય છે. તે બેલેન્સ્ડ જીવન જીવે છે અને નિયમિત રીતે યોગ અને જીમ કરે છે. તે બોલિવૂડની સૌથી હોટેસ્ટ વેજિટેરિયન સેલિબ્રિટીમાં શામેલ છે.