Weight Loss Tips: આ 10 ફૂડ સડસડાટ ઉતારશે વજન, આજે જ કરો ડાયટમાં સામેલ

જો તમે પણ વજન ઘટાડવા (Weight loss)નું વિચારી રહ્યા હોય તો તમારા ડાયટમાં નેગેટિવ કેલેરી ફૂડ (Negative Calorie Foods)ને આજે જ સામેલ કરો. જે તમને નિર્ધારિત વજન સુધી પહોંચવામાં ખૂબ મદદરૂપ બનશે. નેગેટિવ કેલેરી ફૂડ એટલે એવા ફૂડ્સ જે શરીરને જેટલી એનર્જી (Energy) આપે છે. તેની સરખામણીએ તાને પચાવવા (Digestion)માં વધુ એનર્જી વાપરે છે. આ ખોરાકમાં સામાન્ય રીતે ફાઇબરનું પ્રમાણ વધુ હોય છે અને તેમાં ગ્લાયકેમિક ઈન્ડેક્સ ઓછો હોય છે. કેલરી એ ખોરાકનો એક મહત્વપૂર્ણ ઘટક છે અને આપણે જે કંઈ પણ ખાઈએ છીએ તેમાં કેલરી હોય છે. ઉચ્ચ ફાઇબર અને પાણીવાળા ખોરાકમાં સામાન્ય રીતે ઓછી કેલરી હોય છે અને તેને પચાવવા માટે આપણને વધુ ઊર્જાની જરૂર હોય છે, તેને નકારાત્મક કેલરીવાળા ખોરાક કહેવામાં આવે છે. આવા ખોરાક તમને વજન ઘટાડવામાં મદદ કરે છે. અહીં અમુક નેગેટિવ કેલેરીવાળા ફૂડ્સ વિશે અમે તમને જણાવવા જઇ રહ્યા છીએ.

અજમો- અજમો પ્રતિ 100 ગ્રામે માત્ર 10 કેલેરી ધરાવે છે. તેમાં ફાઇબર, વિટામિન એ, સી અને ફોલેટ પ્રચૂર માત્રામાં હોય છે.તેની મોટા ભાગની કેલેરી સેલ્યુલોઝમાં સંગ્રહિત હોવાથી તે પોપ્યુલર નેગેટિવ ફૂડ છે.

બેરી- રંગબેરંગી બેરી જેમ કે બ્લુબેરી, સ્ટ્રોબેરી, રાસબેરીમાં સામાન્ય રીતે અડધા કપમાં માત્ર 32 કેલેરી હોય છે. લો ગ્લાયકેમિક ઇન્ડેક્સ અને પ્રોટીનના કારણે બેરીને નેગેટિવ કેલરી ફૂડ કહેવામાં આવે છે. આ સિવાય તેમાં રહેલા એન્ટી ઓક્સીડેન્ટ્સ વિવિધ કેન્સરથી પણ આપણને બચાવે છે.

ટામેટાં- 100 ગ્રામ ટામેટામાં 19 કેલેરી હોય છે. તેમાં પાણીની માત્રા વધુ હોય છે. ટામેટા ફાઇબર, પોટેશિયમ અને વિટામિન સી ભરપૂર માત્રામાં ધરાવે છે. ટામેટાંમાં લાઈકોપીન પણ હોય છે, જે આપણને ત્વચાના કેન્સરથી બચાવે છે.

કાકડી- પ્રતિ 100 ગ્રામ કાકડમાં 15 કેલેરી હોય છે. કાકડીમાં પણ પાણીનું પ્રમાણ વધુ હોવાની સાથે અનેક વિટામિન્સ અને મિરલ્સ રહેલા છે. શરીરને હાઇડ્રેટ રાખવામાં મદદરૂપ બને છે. કાકાડીમાં પણ ફાઇબરનું પ્રમાણ ભરપૂર હોય છે.

ગાજર- પ્રતિ 100 ગ્રામ ગાજરમાં 41 કેલેરી હોય છે. ગાજરમાં ભરપૂર માત્રામાં વિટામિન એ હોવાથી તે આંખો માટે ખૂબ ફાયદાકારક છે. ગાજરમાં રહેલું ફાયબરનું પ્રમાણ વધુ સમય સુધી પેટને ભરેલું રાખે છે અને વજન ઘટાડવામાં મદદ કરે છે.

સફરજન- સફરજનમાં ભરપૂર માત્રામાં એન્ટીઓક્સીડેન્ટ્સ, વિટામિન સી અને ફાઇબર હોય છે. પ્રતિ 100 ગ્રામ સફરજનમાં 52 કેલેરી હોય છે. સફરજનમાં રહેલ ફાઇબર તમને વજન ઘટાડવામાં મદદરૂપ બનશે.

તરબૂચ- પુષ્કળ પ્રમાણમાં પાણી ધરાવતું ફળ તરબૂચ હ્યદયને સ્વસ્થ, શરીરને હાઇડ્રેટ અને બ્લડ પ્રેશરને નિયંત્રિત રાખે છે. તરબૂચમાં વિટામિન એએ, બી6, સી અને રોગપ્રતિકારક શક્તિ વધારવા લાઇકોપિન પ્રચૂર માત્રામાં હોય છે.

બ્રોકોલી- બ્રોકોલીમાં વિટામિન એ, કેલ્શિયમ, ફોસ્ફરસ, વિટામિન કે પ્રચૂર માત્રામાં રહેલા છે. તેમાં રહેલ આયર્ન અને ફોલિક એસિડ એનિમિયાથી બચાવે છે, બ્રોકોલી આલ્ફા લિનોલેનિક એસિડ (ALA) માં પણ ધરાવે છે જે મગજની વૃદ્ધિ અને વિકાસ માટે મહત્વપૂર્ણ છે. પ્રતિ 100 ગ્રામ બ્રોકોલીમાં 34 કેલેરી હોય છે.

તુરીયા- તુરીયા ઘણા વિટામિન્સ, મિનરલ્સ અને એન્ટીઑકિસડન્ટોથી ભરપૂર છે. તેમાં હાઇ ફાઇબર અને ઓછી કેલરી હોય છે. ફાઈબર પાચનક્રિયામાં મહત્વનો ભાગ ભજવે છે. ઝુકીનીમાં રહેલા ઝેક્સાન્થિન ઓક્સિડેટીવ તણાવને દૂર કરવામાં અને આંખના સ્વાસ્થ્ય રાકવામાં મહત્વની ભૂમિકા ભજવે છે.

કોબીચ- તેમાં રહેલા વિટામિન સી, વિટામિન કે, વિટામિન એ રોગપ્રતિકારક શક્તિને મજબૂત બનાવવામાં મદદ કરે છે. લેટીસમાં રહેલ ફાઇબર વજન ઘટાડવામાં મદદરૂપ બને છે.

શું કોઇ આડઅસર થશે?- હજુ સુધી તેવા કોઇ પરીણામો સામે આવ્યા નથી કે નેગેટીવ કેલરી ફૂડ ખાવાથી કોઇ પણ આડઅસર થઇ શકે છે. જો તમે ડાયેટિશિયનની દેખરેખ હેઠળ ન હોવ તો સીધી રીતે ઓછી માત્રામાં કેલરી ખાવાની સલાહ આપવામાં આવતી નથી. આ તમામ ફૂડ્સને તમે તમારા દૈનિક જીવનમાં ડાયટમાં અથવા રસોઇમાં સામેલ કરી શકો છો.