kutch news: ગાંધીધામના કાર્ગો પાસે ટ્રક નીચે છકડો ચગદાયો, ત્રણના કમકમાટી ભર્યા મોત

મેહુલ સોલંકી, કચ્છઃ ગુજરાતમાં માર્ગ અકસ્માતની (accident news Gujarat) ઘટનાઓ રોજેરોજ બનતી રહે છે ત્યારે અકસ્માતમાં અનેક લોકો પોતાના જીવ ગુમાવતા રહે છે. કચ્છ જિલ્લાના (kutch news) ગાંધીધામમાં આવો જ એક ગમખ્વાર (Gandhidham accident) અકસ્માત સર્જાયો હતો. અહીં છકડાની ઉપર ટ્રક (truck and chhakado accident) ફળી વળ્યો હતો. અને જેના પગલે છકડામાં સવાર ત્રણ લોકોના કમકમાટી ભર્યા મોત નીપજ્યા હતા.

મળતી માહિતી પ્રમાણે કચ્છ જિલ્લાના ગાંધીધામમાં કાર્ગો પાસે આજે સોમવારે છકડો પસાર થઈ રહ્યો હતો ત્યારે સામેની બાજુથી ટ્રક આવતો હતો. આમ ટ્રક અને છકડા વચ્ચે ગમખ્વાર અકસ્માત સર્જાયા હતો. અકસ્માત એટલો ભયાનક હતો કે ટ્રક આખા છકડા ઉપર ફરી વળ્યો હતો. છકડો ટ્રક નીચે ફસાઈ ગયો હતો.

ટ્રક નીચે ફસાયેલા છકડામાં સવાર ત્રણ લોકોના ચગદાઈ જતાં કરુણ મોત નીપજ્યા હતા. જ્યારે છકડાના ભુક્કા બોલાઈ ગયા હતા. અકસ્માતના પગલે લોકોના ટોળા એકઠાં થયા હતા. અને છકડામાં ફલાયેલા મૃતદેહોને કાઢવા પ્રયત્નો કરાયા હતા.

જોકે, જેસીબી બોલાવીને ટ્રકને હટાવી નીચેથી છકડાને બહાર કાઢવામાં આવ્યો હતો. અને ત્યારબાદ છકડામાં ફસાયેલા મૃતદેહોને બહાર કાઢવામાં આવ્યા હતા. ઘટનાની જાણ થતાં પોલીસ પણ ઘટના સ્થળે પહોંચી હતી. અને લાશોને પોસ્ટમોર્ટમ માટે મોકલીને આગળની કાર્યવાહી હાથધરી હતી.

ઉલ્લેખનીય છે કે અકસ્માતની એક કમકમાટી ભરી ઘટના મહીસાગર જિલ્લામાં પણ રવિવારના દિવસે બની હતી. સંતરામપુર પાસે (santrampur) ગુજરાત સરકાર પરિવહન નિગમની એસટી બસ અને બાઈક વચ્ચે ગમખ્વાર (st bus and bike accident) અકસ્માત સર્જાયો હતો. અરેરાટી ભરેલા આ અકસ્માતમાં બે સગા ભાઈઓ અને એક યુવક સહિત કુલ ત્રણના મોત નીપજ્યા હતા. ઘટનાના પગલે સમગ્ર પંથકમાં હડકંપ મચી ગયો હતો. ઘટનાની જાણ થતાં પોલીસ (police) પણ ઘટના સ્થળે દોડી આવી હતી અને સ્થિતિ સંભાઈને આગળની કાર્યવાહી હાથધરી હતી.