White Rann: સફેદ રણમાં વધ્યો અનોખી ફોટોગ્રાફીનો ક્રેઝ, એવા સુંદર ફોટો આવે કે વાત ન પૂછો: PHOTOS

hairya Gajara, Kutch: કચ્છનું સફેદ રણ વિશ્વના સૌથી વધુ આકર્ષક સ્થળોમાંથી એક બન્યું છે તેવું કહેવું અતિશયોક્તિ ન ગણાય. વિશ્વભરમાંથી પ્રવાસીઓ મીઠાના આ અફાટ રણની સુંદરતા નિહાળવા રણોત્સવ દરમિયાન સફેદ રણની મુલાકાત લેતા હોય છે અને પોતાની મુલાકાતની સુંદર યાદો ફોટા રૂપે સાથે લઈ જાય છે. સફેદ રણમાં ફોટા પડાવવાનો લોકોને એવો ચસ્કો લાગ્યો છે કે પોતના આકર્ષક ફોટા અને વિડિયો માટે લોકો એક હજારથી 45 હજાર સુધી ખર્ચી રહ્યા છે.

આમ તો રણોત્સવની ટેન્ટ સિટીમાં પ્રવાસીઓ માટે અનેક આકર્ષણ ઊભા કરવામાં આવ્યા છે. પરંતુ જ્યારે લોકો પોતાનો પ્રવાસ પૂર્ણ કરી પરત જાય ત્યારે તેમના વેકેશનની અમૂલ્ય સ્મરણોને સાથે લઈ જઈ શકે તે માટે એક ખાનગી ફોટોગ્રાફી કંપનીએ સુંદર આયોજન કર્યું છે.

પ્રવાસીઓ રણોત્સવની વિવિધ એક્ટિવિટીઝની મોજ માણતા હોય કે પોતાના સહપ્રવાસીઓ સાથે હળવાશની પળો માનતા હોય, આ બધી જ ક્ષણોને કેમેરામાં કંડારી પ્રવાસીઓને આપે છે.

રણોત્સવમાં પ્રવાસીઓની જરૂર અને તેમના ગ્રુપની સંખ્યા વિવિધ પેકેજ સાથે આ કંપની લોકોને તેમની ટ્રાવેલ સ્ટોરીઝ તૈયાર કરીને આપી રહી છે.

સફેદ રણના વિવિધ લોકેશન પર ફોટા પડવાથી લઈ લાઈટ પેઇન્ટિંગ, મીનીએચર ફોટોગ્રાફી, 360 ડિગ્રી વિડિયોગ્રાફી, ટ્રાવેલ સ્ટોરી, ફોટોગ્રાફી, ક્રિએટિવ ફોટોગ્રાફી, પેરામોટરીંગ વિડિયો જેવી અનેક એક્ટિવિટીઝ દરમિયાન પ્રવાસીઓ પોતાના ફોટો અને વિડિયો લેવા આકર્ષાઈ રહ્યા છે.

આ બધી જ પ્રકારની ફોટોગ્રાફી માટે પ્રવાસીઓને રૂ. 500થી લઈને રૂ. 45 હજાર સુધીના પેકેજ આપવામાં આવી રહ્યા છે. પછી તે એકલા પ્રવાસી હોય કે 20 લોકોનો સમૂહ, બધા જ પ્રવાસીઓ રણોત્સવના પોતાની વિશેષ સફરને તસવીરરૂપી યાદોમાં સાથે લઈ જઈ રહ્યા છે.

હાલમાં 360 ડિગ્રી વિડિયો તેમજ લાઈટ પેઇન્ટિંગ અને મિનીએચર ફોટોગ્રાફી પ્રવાસીઓ ખૂબ પસંદ કરી રહ્યા છે.

તો ઈન્સ્ટાગ્રામના જમાનામાં રીલ બનાવવા પણ લોકો ખૂબ આકર્ષાઈ રહ્યા છે.