Kutch: ફરી એકવાર લોકોની મદદે આવ્યા આપણા જવાન, BSFએ રણ વિસ્તારના ગામોની તરસ મટાડી: PHOTOS

Dhairya Gajara, Kutch: ફર્સ્ટ લાઈન ઓફ ડિફેન્સ તરીકે ચોવીસે કલાક ખડેપગે તૈનાત રહી દેશની સુરક્ષા કરતી બોર્ડર સિક્યોરિટી ફોર્સ દ્વારા સીમાની રખવાળી સાથે સરહદી વિસ્તારમાં આવતા ગામોમાં સેવાકીય કાર્યો પણ હાથ ધરવામાં આવે છે.

ઉનાળામાં કચ્છના સરહદી ખાવડા પચ્છમ વિસ્તારમાં પાણીની ભયંકર અછત ઊભી થાય છે તો સાથે જ ક્ષાર વાળો વિસ્તાર હોવાના કારણે પાણી પણ ખૂબ ખારો હોય છે. ત્યારે આ સરહદી વિસ્તારની તરસ મટાડવાનો કામ પણ બીએસએફ કરે છે.

બીએસએફના 74 બટાલિયન દ્વારા યોજાયેલ સિવિક એક્શન પ્રોગ્રામમાં ખાવડા વિસ્તારના ગામોને પાણી ફિલ્ટર કરવાના આર.ઓ. ટેન્ક અને પાણી સંગ્રહ કરવા ટાંકીઓ સહિત સરકારી શાળાના બાળકો માટે પણ અનેક જરૂરી સામગ્રીનું વિતરણ કરવામાં આવ્યું હતું.

કચ્છમાં ફરજ બજાવતી બોર્ડર સિક્યોરિટી ફોર્સની 74 બટાલિયન દ્વારા રતાડીયા ગામ મધ્યે વાર્ષિક સિવિક એક્શન પ્રોગ્રામનું આયોજન કરવામાં આવ્યું હતું.

74 બટાલિયનના કમાન્ડન્ટ સંજય અવિનાશ, સેકંડ ઈન કમાંડ સુનીલ સોઇબામ અને ડેપ્યુટી કમાન્ડન્ટ બી.એસ. રાવતની હાજરીમાં પચ્છમ વિસ્તારના રતાડીયા, ખાવડા, નાના સરગુ અને તુગા ગામના લોકોને જરૂરી સહાય સામગ્રીનું વિતરણ કરવામાં આવ્યું હતું.

આ ગામના લોકો દ્વારા પોતાના વિસ્તારમાં પાણીની સમસ્યા વિશે કમાન્ડન્ટ સંજય અવિનાશને જણાવવામાં આવ્યું હતું. રણ વિસ્તાર હોતાં ઉનાળામાં અહીંના સીમાડામાં પાણી સુકાઈ જાય છે તો રણની ખારાશથી પાણી પણ ખૂબ ખારું થઈ જાય છે. આ ગામોની જરૂરિયાત જાણી બટાલિયન દ્વારા ખાસ આર.ઓ. ફિલ્ટર અને પાણીની ટાંકીઓ આપવાનું નક્કી કરાયું હતું.

ફિલ્ટર અને ટાંકી ઉપરાંત બીએસએફ દ્વારા અહીંની શાળાઓમાં ભણતા 150 બાળકોને પણ સ્કૂલ બેગ સહિત સ્ટેશનરીની આઈટમ પણ આપવામાં આવી હતી.

બાળકો સારું શિક્ષણ મેળવી શકે તે હેતુથી ત્રણ શાળાઓને સ્માર્ટ ટીવી પણ આપવામાં આવી હતી જે આજના ડિજિટલ યુગમાં સરહદી વિસ્તારના આ નાના બાળકોને પણ સમયની સાથે પગ ભરવા સક્ષમ કરશે.

ઉનાળામાં કચ્છના સરહદી ખાવડા પચ્છમ વિસ્તારમાં પાણીની ભયંકર અછત ઊભી થાય છે તો સાથે જ ક્ષાર વાળો વિસ્તાર હોવાના કારણે પાણી પણ ખૂબ ખારો હોય છે.

બીએસએફના 74 બટાલિયન દ્વારા યોજાયેલ સિવિક એક્શન પ્રોગ્રામમાં ખાવડા વિસ્તારના ગામોને પાણી ફિલ્ટર કરવાના આર.ઓ. ટેન્ક અને પાણી સંગ્રહ કરવા ટાંકીઓ સહિત સરકારી શાળાના બાળકો માટે પણ અનેક જરૂરી સામગ્રીનું વિતરણ કરવામાં આવ્યું હતું.