સેક્રેડ ગેમ્સના શૂટિંગ માટે સૈફ બન્યો કચ્છનો મહેમાન, જુઓ શૂટિંગની તસવીરો

નેટફ્લિક્સની વેબ સીરિઝ સેક્રેડ ગેમ્સની બીજી સિઝનનું શૂટિંગ હાલ ચાલી રહ્યું છે. આ માટે ફિલ્મ અભિનેતા સૈફઅલી ખાન કચ્છનો મહેમાન બન્યો છે. આ સીરિઝમાં અભિનેતા સૈફઅલી ખાન પોલીસકર્મીનો રોલ કરી રહ્યો છે. (સ્ટોરીઃ મેહુલ સોલંકી, ભુજ)

શુક્રવારે અભિનેતા માંડવીમાં વેસ સીરિઝનું શૂટિંગ કરવા માટે આવી પહોંચ્યો હતો. શુક્રવારે માંડવી બીચ અને શહેરમાં ફિલ્મનું શૂટિંગ કરવામાં આવ્યું હતું. પ્રથમ દિવસનું શૂટિંગ પતાવીને અભિનેતા હોટલ ખાતે પરત ફર્યો હતો.

સપ્ટેમ્બરમાં સેક્રેડ ગેમ્સનુ ટીઝર રિલીઝ થયું હતું. Netflix પર સૈફ અલી ખાન, નવાઝુદ્દીન સિદિકીની વેબ સીરિઝ સેક્રેડ ગેમ્સની પહેલી સીઝન સુપરહિટ રહી છે. નેટફ્લિક્સની આ સીરિઝને લોકોએ ઘણી પસંદ કરી છે. બીજી સીરિઝમાં ત્રિવેદીથી લઇને ગુરૂજી સહિતના અનેક રહસ્યો ખુલી જશે.

સપ્ટેમ્બરમાં નેટફ્લિક્સ ઇન્ડિયાએ પોતાના ટ્વિટર હેન્ડલ પર સેક્રેડ ગેમ્સની બીજી સીઝનનું ટીઝર મૂક્યું હતું. ટીઝરથી આ વાતનો સંકેત મળી રહ્યો છે કે ગણેશ ગાયતોંડેનું કેરેક્ટર બીજી સીઝનમાં પણ પોતાનો જલવો તેવો જ રાખશે. વોઇસઓવર દ્વારા ગણેશ ગાયતોંડે પોતાને એકમાત્ર ભગવાન ગણાવે છે.

એવું માનવામાં આવી રહ્યું છે કે આ વખતની સીઝન પણ સસ્પેન્સથી ભરેલી હશે. ટીઝરમાં એક ડાયલોગ છે કે આ વખતે ભગવાન પણ પોતાની જાતને બચાવી નહીં શકે.

શૂટિંગનું એક દ્રશ્ય