Republic Day: કચ્છ સરહદ પર હાઈએલર્ટ, BSFની 'ઓપ્સ એલર્ટ એક્સરસાઇઝ'ની જુઓ તસવીરો

  Dhairya Gajara, Kutch: સ્વાતંત્ર્ય પર્વ અને ગણતંત્ર પર્વ પર દેશમાં એક અનેરી રોનક હોય છે અને આ રોનકમાં ભંગ પાડવા કોઈ દેશવિરોધી કારસો ન રચાય તે માટે દેશ હરની વિવિધ સરહદો પર હાઈ એલર્ટ જાહેર કરવામાં આવે છે. આગામી 26મી જાન્યુઆરી પહેલા પણ બીએસએફ દ્વારા ગુજરાત અને રાજસ્થાનના બાડમેરની ભારત પાકિસ્તાન સરહદ પર હાઈ એલર્ટ જાહેર કરવામાં આવ્યું છે અને એક ખાસ ઓપ્સ એલર્ટ અભ્યાસ પણ યોજવામાં આવશે.

બીએસએફ ગુજરાત દ્વારા આગામી ગણતંત્ર દિવસના અનુસંધાને 21 જાન્યુઆરીથી 28 જાન્યુઆરી, 2023 સુધી સાત દિવસ ભારત પાકિસ્તાન આંતરાષ્ટ્રીય સીમા પર ઓપ્સ એલર્ટ અભ્યાસ યોજવામાં આવશે.

ગુજરાતના કચ્છ જિલ્લામાં આવેલ અને દેશનો પશ્ચિમી છેડો કહેવાતા સર ક્રીકથી લઈને કચ્છના રણ સુધી અને રાજસ્થાનના બાડમેર જિલ્લા સુધી આ અભ્યાસ યોજવામાં આવશે.

ગણતંત્ર દિવસ સમારોહ દરમિયાન રાષ્ટ્ર વિરોધી તત્વોના કોઈ પણ નાપાક ઈરાદાઓને વિફળ કરવા ઓપ્સ એલર્ટ એક્સરસાઇઝ યોજવામાં આવી રહ્યું છે. આ અભ્યાસ દરમિયાન આંતરાષ્ટ્રીય સીમાની આજુબાજુના ક્ષેત્રોની સાથે ક્રીક અને હરામી નાળામાં વિશેષ અભિયાન ચલાવવામાં આવશે.

વિવિધ ઓપરેશન કાર્યપદ્ધતિઓની સટિકતા અને વૈધતાની જંચ સાથે આ સમયમાં સરહદી વિસ્તારના લોકો સાથે આઉટરિચ પ્રોગ્રામ પણ યોજવામાં આવશે.

ઉલ્લેખનીય છે કે હર વર્ષે દેશના બે સૌથી મહત્વના તહેવારો સ્વાતંત્ર્ય દિવસ અને ગણતંત્ર દિવસ દરમિયાન સીમાની સુરક્ષા કરતા જવાનો વધુ સતર્ક થઈ જાય છે અને કોઈ નાપાક હરકતથી દેશને બચાવે છે.

આ વર્ષે આ સતર્કતા સાથે એક ખાસ ઓપ્સ એલર્ટ મિશન પણ શરૂ કરવામાં આવ્યું છે જેથી કોઈ પણ અનિચ્છનીય બનાવ બને નહીં.

2023 સુધી સાત દિવસ ભારત પાકિસ્તાન આંતરાષ્ટ્રીય સીમા પર ઓપ્સ એલર્ટ અભ્યાસ યોજવામાં આવશે.