Kutch News: કચ્છમાં વધુ એક ફરવાલાયક સ્થળમાં વધારો, ફોટો જોઇને તમે જ કહેશો કે અહીં જવું પડશે!

Dhairya Gajara, Kutch: શિયાળો શરૂ થાય એટલે લોકો પોતાના શરીરને તંદુરસ્ત રાખવા વહેલી સવારે વોકિંગ કરતા નજરે પડે છે. ભુજ શહેરના વોક વે પર પણ લોકો માત્ર શિયાળામાં નહીં પરંતુ સમગ્ર વર્ષ દરમિયાન અહીં વોકીંગ કરવા તો આવે જ છે પરંતુ સાંજે પોતાના મિત્રો તેમજ પરિવાર સાથે અહીં રેયાણ કરી હળવાશની પળો માણે છે.

શહેરના હૃદય સમા હમીરસર તળાવની ફરતે આ વોક વે ને વધુ આકર્ષક બનાવવા નગરપાલિકાએ કામ હાથ પર લીધું છે અને જલ્દી જ ભુજવાસીઓને એક નવા નજરાણા સાથે વોક વે મળશે.

ભુજ શહેરનો હમીરસર તળાવ અહીંના લોકોની લાગણીઓ સાથે બંધાયેલો છે. તળાવની ફરતે બનાવવામાં આવેલો વોક વે પ્રકૃતિની ખોળે લોકોને તંદુરસ્ત રહેવા પ્રેરિત કરે છે.

ખાસ તો શિયાળામાં વહેલી સવારે હાડ થીજાવતી ઠંડીમાં વિદેશી પક્ષીઓ તળાવમાં સૈર કરતા હોય તેની બાજુમાં વોક વે પર સૈર કરતા લોકોની સંખ્યામાં અનેકગણો વધારો થાય છે.

વર્ષ 2010માં ભુજ નગરપાલિકાના પ્રમુખ શંકર ઠક્કરના કાર્યકાળ દરમિયાન આ વોક વે બનાવવામાં આવ્યો હતો.

તે સમયે ત્રણ કરોડના ખર્ચે છતરડી તળાવને ફરતે વોક વે ઉપરાંત વિવિધ ડોમ, લાઈટો તેમજ લોકોને બેસવા માટે બેન્ચ મૂકવામાં આવી હતી.

12 વર્ષમાં આ વોક વેની હાલત ખુબ બિસ્માર થઈ ગઈ હોતાં તેનો સમારકામ કરવાનું કામ હાલ નગરપાલિકાએ ઉપાડ્યું છે.

રૂ. 2.33 કરોડના ખર્ચે વોક વેના સમારકામ ઉપરાંત અનેક નવા આકર્ષણો ઊભા કરવામાં આવશે.

આ કામગીરી અંતર્ગત વોક વે બહાર બેસી ગયેલા પાથની લેવલીંગ કરાશે.

બે ગઝેબો બનાવી તેમાં જીમ અને યોગની સુવિધા શરૂ કરવામાં આવશે.

તો વોકિં કરવા આવતા લોકો માટે પાણીનું પરબ પણ બાંધવામાં આવશે. તો સાથે જ અનેક બેન્ચો પણ હાલ ખરાબ હાલતમાં હોતાં લોકોને બેસવા માટે આકર્ષક બેન્ચ પણ મૂકવામાં આવશે.

આ કામની મંજુરી મળતા જ પાલિકા દ્વારા આ માટે ટેન્ડર બહાર પાડવાની કામગીરી હાથ પર લેવામાં આવી છે.

ટુંક સમયમાં જ આ કામ શરૂ થતાં જલ્દી જ શહેરીજનોને એક સુંદર અને આકર્ષક વોક વે મેળવશે.

12 વર્ષમાં આ વોક વેની હાલત ખુબ બિસ્માર થઈ ગઈ હોતાં તેનો સમારકામ કરવાનું કામ હાલ નગરપાલિકાએ ઉપાડ્યું છે.