સુરેન્દ્રનગરઃ હેડ કોન્સ્ટેબલે ચોટીલા પોલીસ સ્ટેશનના ધાબા ઉપર ગળે ફાંસો ખાઈ કરી આત્મહત્યા

રાજુદાન ગઢવી, સુરેન્દ્રનગરઃ આત્મહત્યાની ઘટનાઓ છાસવારે બનતી રહે છે. પોલીસ કર્મચારીઓ પણ આપઘાત કરતા હોવાની ઘટનાઓ થોડા અંતેર પ્રકાશમાં આવતી રહે છે. આવી જ એક વધુ ઘટના સુરેન્દ્રનગરના ચોટીલમાં બની હતી. અહીં એક હેડ કોન્સ્ટેબલે ચોટીલા પોલીસ સ્ટેશનના ધાબા ઉપર જ ગળે ફાંસો ખાઈને આત્મહત્યા કરી લીધી હતી.

મળતી માહિતી પ્રમાણે 5 વર્ષથી ચોટીલા પોલીસ મથકમાં અબ્દુલભાઈ દરવડિયા હેડ કોન્સ્ટેબલ તરીકે ફરજ બજાવતા હતા. દરરોજની જેમ અબ્દુલભાઈ ચોટીલા પોલીસ મથકમાં ફરજ બજાવતા હતા.

આ દરમિયાન પોલીસ સ્ટેશનના ધાબા ઉપર જઈને ગળે ફાંસો લગાવની આત્મહત્યા કરી લીધી હતી. આત્મહત્યાની જાણ થતાં જ પોલીસ બેડામાં ખળભળાટ મચી ગયો હતો.

સુત્રોના જણાવ્યા પ્રમાણે નોકરી કે ઘરના કારણોથી આત્મહત્યા કરી હોવા અંગે હજી રહસ્ય છે. પોલીસની વધુ તપાસમાં હેડ કોન્સ્ટેબલના આત્મહત્યા પાછળનું કારણે જાણી શકાશે.

હેડ કોન્સ્ટેબલે પોલીસ સ્ટેશનમાં જ ફરજ દરમિયાન આત્મહત્યા કરવાની ઘટનાથી સમગ્ર વિસ્તારમાં ચકચાર મચી ગઈ હતી. જ્યારે પરિવારમાં શોકની લાગણી ફેલાઈ હતી.