સુરેન્દ્રનગરઃ ભોગવો નદીમાં 6 અને 7 વર્ષની સગી બે બહેનોનું ડૂબી જતા મોત

સુરેન્દ્રનગરના વાવડીમાં સાત લોકોનાં તણાઇ જવાની ઘટનાની સહી સુકાઇ નથી ત્યાં ભોગવો નદીમાં બે બાળકીના ડૂબી જવાથી મોત થયાની ઘટના બની છે. ચુડા તાલુકાના મોરવાડમાં આ ઘટના બની છે. (રાજુદાન ગઢવી, સુરેન્દ્રનગર)

સુરેન્દ્રનગરના ચુડા તાલુકાના મોરવાડમાં ભોગાવ નદી પાસે બે બાળકીઓ રમતી હતી ત્યારે પાણીમાં ડૂબવા લાગી હતી.

પાણીમાં ડૂબવાથી બંને બાળકીઓના મોત નીપજ્યા હતા. જેના પગલે લોકોના ટોળા એકઠાં થયા હતા. બંને બાળકીઓને બહાર કાઢી હતી.

છ વર્ષની તુલસી અને સાત વર્ષની નિરાલી નામની બંને બહેનો ધોરણ પહેલા અને બીજામાં અભ્યાસ કરતી હતી.

ભોગાવ નદીમાં રમતા રમતા બનેલી આ કરુણ ઘટનાથી પરિવારમાં શોકનું મોજું ફરી વળ્યું હતું.