ગોંડલ પાસે કાર પલટતા બે યુવકોનાં મોત, 3 ઇજાગ્રસ્ત

અંકિત પોપટ, રાજકોટ : ગોંડલનાં મોવિયા પાસે ગઇકાલે મોડી રાતે કાર પલટી જતાં બે યુવકોનાં ઘટનાસ્થળે મોત નીપજ્યાં છે. જ્યારે 3 અન્ય યુવકોને ઇજા પહોંચી છે. આ અકસ્માતે ગુનો નોંધીને તપાસ હાથ ધરી છે.

આ મામલે મળતી માહિતી પ્રમાણે ગોંડલના મોવિયા પાસે ગઈકાલે રાતે કાળા રંગની કાર પલટી ગઈ હતી. આ કારમાં 5 યુવકો સવાર હતા. જેમાંથી 2 યુવકોના ઘટના સ્થળે જ મોત નીપજ્યાં છે. જ્યારે 3 યુવકોને ઈજા પહોંચી છે.

કાર અકસ્માતનો ભોગ બનેલ તમામ યુવકો ગોંડલના રહીશ હોવાની માહિતી સામે આવી છે.

મૃતક અને ઈજાગ્રસ્તોને ગોંડલ અને રાજકોટ નગરપાલિકા એમ્બ્યુલન્સે પહેલા ગોંડલ સરકારી હોસ્પિટલમાં ખસેડ્યા હતા. ત્યાર બાદ ખાનગી હોસ્પિટલમાં ખસેડવામાં આવ્યા હતા.