રાજકોટમાં RK યુનિવર્સિટીની બસે વિદ્યાર્થિનીને કચડી, સુરેન્દ્રનગરમાં અકસ્માતમાં દંપતીનું મોત

સૌરાષ્ટ્ર પંથકમાં આજે અકસ્માતની બે ઘટનાઓ બની છે જેમાં રાજકોટમાં બસની અડફેટે એક વિદ્યાર્થિનીનું મોત નીપજ્યું છે. જ્યારે સુરેન્દ્રનગરમાં બાઇકની અડફેટે લેતા દંપતીનું મોત નીપજ્યું છે. આ બે ઘટનામાં કુલ ત્રણ વ્યક્તિએ પોતાના જીવ ગુમાવ્યા છે. પોલીસે આ બંને ગુનાઓમાં વધુ તપાસ હાથધરી છે. (રાજુદાન ગઢવી, સુરેન્દ્રનગર, હરિન માત્રાવાડિયા, રાજકોટ)

રાજકોટના અકસ્માતની વાત કરીએ તો શહેરના આજીડેમ ચોકડી પાસે ધારા કારિયા નામનીવિદ્યાર્થિની પસાર થઇ રહી હતી.

આ સમયે આરકે યુનિવર્સિટીની બસ આવી ચડી અને વિદ્યાર્થિનીને અડફેટે લેતા ધારા કારિયા બસ નીચે કચડાઇ હતી.

જેના પગલે ધારાના માથું છુંદાતા તેનું ઘટના સ્થળે મોત નીપજ્યું હતું. ઘટના અંગે પોલીસ ગુનો નોંધી તપાસ હાથધરી છે.

બીજી ઘટનાની વાત કરીએ તો સુરેન્દ્રનગરના મુળી રોડ ઉપર અજાણ્યા વાહન ચાલકે બાઇક ઉપર જતા દંપતીને અડફેટે લીધા હતા. (રાજકોટ અકસ્માતની તસવીર)

જેના પગલે દંપતીનું ઘટના સ્થળે જ મોત નીપજ્યું હતું. આ અંગે પોલીસે અજાણ્યા વાહન ચાલક સામે ગુનો નોંધી વધુ તપાસ હાથધરી છે. (રાજકોટ અકસ્માતની તસવીર)