રાજકોટઃ પંક્ચર પડતા બસ ઝાડ સાથે અથડાઇ, એક મુસાફરનું મોત

રાજકોટના ઉપલેટાના પાસે બસને અકસ્માત નડ્યો હતો. ટાયરમાં પંક્ચર પડતા ચાલકે કાબુ ગુમાવતા બસ રસ્તા પાસે આવેલા ઝાડ સાથે ધડાકા ભેર અથડાતા અકસ્માત સર્જાયો હતો. આ અકસ્માતમાં એક વ્યક્તીનું મોત નીપજ્યું હોવાના સમાચાર મળી રહ્યા છે. સાથે સાથે બસમાં સવાર વિદ્યાર્થીઓને પણ નાની-મોટી ઇજાઓ પહોંચી હતી. (મુનાફ, રાજકોટ)

મળતી માહિતી પ્રમાણે આજે સોમવારે રાજકોટના ઉપલેટાના પાટણવાવ રોડ ઉપર બસ પસાર થઇ રહી હતી.

ઉપલેટા-લીંબુડાની રૂટની બસના ટાયરમાં અચાનક પંક્ચર પડતા બસ ફંગોળાઇ હતી ડ્રાઇવરનો બસ ઉપર કાબુ ગુમાવતા બસ રોડ પાસે આવેલા ઝાડ સાથે ધડાકાભેર અથડાઇ હતી.

જેના પગલે એક મુસાફરનું મોત નીપજ્યું હતું જ્યારે બસમાં સવાર વિદ્યાર્થીને નાની મોટી ઇજા પહોંચી હતી.

ઘટનાની જાણ થતાં જ રોડ ઉપર જતા વાહનચાલકોના ટોળા એકઠાં થયા હતા.

સાથે સાથે રોડ ઉપર ટ્રાફિક જામના દ્રશ્યો પણ સર્જાયા હતા.

અકસ્માતની જાણ થતાં પોલીસ ઘટના સ્થળે પહોંચીને વધુ કાર્યવાહી હાથધરી હતી.