રાજકોટમાં ડિવાઇડર પર વૃક્ષો વાવવાનું શરૂ કરાયું; 2 લાખ વૃક્ષોનો ટાર્ગેટ

રાજકોટમાં મહત્તમ સંખ્યામાં વૃક્ષારોપણ થાય અને શહેરના ગ્રીન કવરનો વ્યાપ ક્રમશ: વધે તે માટે હાથ ધરવામાં આવી રહેલા પ્રયાસો અંતર્ગત શહેરના તમામ રોડ ડીવાઈડરમાં વૃક્ષારોપણ કરવાની કામગીરી જનભાગીદારી સાથે શરૂ કરવામાં આવી છે;

આગામી ૧૫ દિવસમાં તમામ ડીવાઈડરમાં વૃક્ષારોપણ પૂર્ણ કરી લેવામાં આવશે, તેમ મ્યુનિ. કમિશનર બંછાનિધિ પાનીએ જણાવ્યું.

બંછાનિધિ પાનીએ જણાવ્યું કે, રાજકોટ મહાનગરપાલિકા અને વિવિધ સંસ્થાઓના સહયોગ સાથે આગામી ૧૫ દિવસમાં શહેરનાં તમામ ડીવાઈડરોમાં વૃક્ષો વાવવાનું કાર્ય પૂર્ણ કરવામાં આવનાર છે.

મ્યુનિ. કમિશનરે જણાવ્યું કે, શહેરના તમામ લોકો અને સામાજિક સંસ્થાના હોદ્દેદારો સહકાર આપશે તો ૨ લાખ વ્રુક્ષો વાવાનો આ લક્ષ્ય એવો મોટો નથી કે તેને સિદ્ધ ના કરી શકાય. વ્રુક્ષારોપણ કર્યા બાદ તેનો ઉછેર કરવો એ પણ બહુ મહત્વનું કાર્ય છે.