ગોંડલઃ રૂ.20,000 પાછા લેવા આવેલા આધેડને માતા-પુત્રએ સળગાવ્યો

રાજોકટ જિલ્લાના ગોંડલ તાલુકમાં હૃદય હચમચાવી દેનારી એક ઘટના બની છે. ગોંડલના દેરડી કુંભાજી ગામના આધેડને માતા-પુત્ર સહિત ચાર લોકોએ જીવતો સળગાવ્યાની ઘટના બની છે. ઘટનાના પગલે ગભીર રીતે દાઝેલા આધેડને રાજકોટ સિવિલ હોસ્પિટલના બર્ન વિભાગમાં લાવવામાં આવ્યો છે. જ્યાં તેની સારવાર ચાલી રહી છે. ઘટનાની જાણ થતાં પોલીસ પણ સ્થળ ઉપર પહોંચીને આગળની કાર્યવાહી હાથધરી છે. (અંકિત પોપટ, રાજકોટ)

મળતી માહિતી પ્રામાણે ગોંડલના દેરડી કુંભાજીમાં રહેતા આધેડે બાજુ આવેલા ગામમાં હંસા નામની મહિલાએ ઉછીના રૂ.20,000 આપ્યા હતા. જેના પગલે આજે તેઓ હંસાના ઘરે ઉછીના આપેલા પૈસા લેવા માટે ગયા હતા.

જેના પગલ હંસા અને તેમનો પુત્ર ઉશ્કેરાઇ ગયા હતા. અને હંસાએ આધેડ ઉપર કેરોસિન છાંટ્યું હતું અને તેના પુત્રએ લાઇટરથી આધેડને સળગાવ્યો હતો.

આ ઘટના પગલે આધેડ ગંભીર રીતે દાઝી ગયો હતો. જેને તાત્કાલિક સારવાર માટે હોસ્પિટલ ખસેડવામાં આવ્યો હતો. અત્યારે રાજકોટ સિવિલ હોસ્પિટલના બર્ન વિભાગમાં સારવાર ચાલી રહી છે. ડોક્ટરોના મત પ્રમાણે આધેડનું શરીર 60 ટકા જેટલું દાઝી ગયું છે પરંત અત્યારે તેમની સ્થિતિ સામાન્ય થયું છે.

આધેડના પત્નીના જણાવ્યા પ્રમાણે તેમણે હંસાને ઉછીના પૈસા આપ્યા હતા. જેને લેવા માટે ગયા ત્યારે તેણે તેના પુત્ર સાથે મળીને આ કૃત્ય આચર્યું હતું. પોલીસ અમારા પૈસા પાછા અપાલે અને આવું કૃત્ય કોઇની સાથે ન કરે એવી કડક સજા પણ કરે.