રાજકોટ : ગુપ્તાંગમાં મરચું ભરવાનો ટ્રેન્ડ! પ્રથમ પત્નીએ બીજી પત્નીના ગુપ્તાંગ સહિતના ભાગોમાં ભર્યું મરચું

અંકિત પોપટ, રાજકોટઃ રાજકોટ શહેરમાં જાણે કે પતિની સાથે અનૈતિક સંબંધ (extra marital affair) ધરાવતી સ્ત્રીના ગુપ્તાંગમાં મરચું (Chili in a woman's genitals) ભરવાનો જાણે કે ટ્રેન્ડ ચાલી રહ્યો હોય તે મુજબ એક બાદ એક બર્બરતા પૂર્ણ કિસ્સાઓ સામે આવી રહ્યાં છે. તાજેતરમાં જ દીપ્તિ ઉર્ફે રુખશાર નામની પરિણીતાએ પોતાના પતિની પ્રેમિકાનું અપહરણ (girlfriend kidnapping) કરી તેને ઢોર માર માર્યો હતો તેમજ તેના ગુપ્તાંગમાં મરચું પણ ભરી દીધા હોવાનો કિસ્સો સામે આવ્યો હતો. ત્યારે ફરી એક વખત ગણતરીની કલાકોમાં રાજકોટ શહેરના (Rajkot city news) ભીમનગરમાં પતિની પ્રથમ પત્નીએ અન્ય મહિલાઓ સાથે મળીને પતિની બીજી પત્નીને નિર્વસ્ત્ર કરી ગુપ્તાંગ સહિતના ભાગોમાં મરચું (women harassment) ભરી દીધા હોવાનો બનાવ સામે આવ્યો છે.

પ્રાપ્ત માહિતી અનુસાર રાજકોટ ગ્રામ્ય પોલીસ વિસ્તારમાં આવેલા સાપર વેરાવળ ખાતે નીતુબેન પોતાના પતિ સુરેશભાઈ કુકડીયા સાથે રહે છે. ચાર વર્ષ પૂર્વે સુરેશભાઈ કુકડીયા એ ભારતીબેન નામની મહિલા સાથે મંદિરમાં ગાંધર્વ વિવાહ કર્યા હતા. ભારતીબેન રાજકોટ શહેરના નાના મૌવા પાસે આવેલ ભિમનગર ચોકમાં રહે છે.

સુરેશ કુકડીયા રાજકોટમાં રહેતી પોતાની બીજી પત્ની ભારતી બહેનને થોડા દિવસોના અંતરે મળવા આવતો રહેતો હતો. જે બાબતની જાણ સુરેશની પ્રથમ પત્ની નીતુબેન ને થતા તે મોડી સાંજે સાતથી આઠ મહિલાઓ સાથે ભારતીબેનના ઘરે પહોંચી હતી.

જ્યાં સૌ પ્રથમ તો ભારતીબેનને માર મારવામાં આવ્યો હતો. ત્યારબાદ ભારતીબેનને નિર્વસ્ત્ર કરી તેમના નાક, કાન, મોઢા અને આંખ તેમજ ગુપ્તાંગના ભાગે મરચું ભરી દીધું હતું.  સમગ્ર મામલાની જાણ પાડોશમાં રહેતા મધુબેનને થતા તાત્કાલિક અસરથી મધુબેન દ્વારા ભારતીબેનને સારવાર અર્થે સિવિલ હોસ્પિટલ ખાતે આવેલા ઈમરજન્સી રૂમ ખાતે ખસેડવામાં આવ્યા હતા.

ભારતીબેનના શરીરના અનેક ભાગોમાં મહિલાઓ દ્વારા મરચું ભરી દેવામાં આવ્યું હોવાથી નર્સિંગ સ્ટાફ દ્વારા તેમને ત્રણ ત્રણ વખત નવડાવવાની ફરજ પડી હતી. સમગ્ર મામલાની જાણ પોલીસને થતા પોલીસ દ્વારા સુરેશ કુકડીયાની પત્ની સહિતની મહિલાઓ વિરુદ્ધ ફરિયાદ નોંધવામાં આવી છે.