વડાપ્રધાન નરેન્દ્ર મોદીનો 30મી સપ્ટેમ્બરના રવિવારે એક દિવસ માટે ગુજરાત પ્રવાસે આવવાના છે. દિવસ દરમિયાન તેઓ આણંદ, અંજાર કે મુન્દ્રા અને રાજકોટ ખાતેના કાર્યક્રમોમાં ભાગ લેશે. પીએમ મોદી રાજકોટમાં ગાંધી મ્યૂઝિયમની મુલાકાતે જવાના છે. જેની તૈયારીઓના ભાગરૂપે ગાંધી મ્યૂઝિયમની બહારના અનેક વૃક્ષો કાપવામાં આવી રહ્યાં છે.
એકતરફ દેશમાં વક્ષો વાવોનું સૂત્ર ચાલી રહ્યું છે ત્યારે બીજી બાજુ થોડા કલાકોના કાર્યક્રમ માટે મોટા મોટા વૃક્ષોનું નિકંદન થઇ રહ્યું છે ત્યારે આ કેટલું યોગ્ય છે?
કામચલાઉ શિડયૂલ મુજબ વડાપ્રધાન મોદી આવતા રવિવારે સવારે 10 વાગે વડોદરા આવશે અને ત્યાંથી રસ્તા માર્ગે આણંદ નજીક મોગર ગામે અમૂલ ડેરીએ નવી સ્થાપેલી ચોકલેટ ફેક્ટરીનું ઉદ્ઘાટન કરશે. આણંદનો કાર્યક્રમ પતાવી વડા પ્રધાન મોદી હેલિકોપ્ટર દ્વારા કચ્છ જશે.
કચ્છ ખાતે જાહેરસભા, એક ફેક્ટરીનું ઉદ્ઘાટન તથા ભીમાસર અંજાર-ભૂજ નેશનલ હાઇવેનું ખાતમુહૂર્ત જેવા કાર્યક્રમો યોજાવાના છે.
