રાજકોટઃ દશેરાના પર્વ અંતર્ગત આવી ચૂકી છે અવનવી 900 મીઠાઈઓ, રૂ.400થી રૂ.1600 સુધીની છે કિંમત

અંકિત પોપટલ, રાજકોટઃ છેલ્લા કેટલાય સમયથી કોરોના (coronavirus) મહમારીના કારણે લોકોના જીવનમાં ફિકાસ આવી ગઈ છે. ત્યારે દશેરાના (Dashera) પર્વને આડે હવે બસ ગણતરીના કલાકો જ બાકી બચ્યાં છે. ત્યારે રાજકોટમાં (Rajkot) મીઠાઈની દુકાનો અવનવી મીઠાઈઓ (sweets) સાથે સજી ધજી ચૂકી છે. તો બીજી તરફ અત્યારથી જ મીઠાઈની ખરીદીનું પ્રમાણ પણ જોવા મળી રહ્યું છે.

કોરોના મહામારીના કારણે રાજકોટમાં રાવણ દહન નો કાર્યક્રમ મોકૂફ રાખવામાં આવ્યો છે. પરંતુ ગમે તેવી મહામારી હોઈ રાજકોટ વાસીઓ ફાફડા ગાંઠિયા અને જલેબી સહિત અન્ય મીઠાઈઓ ની મોજ માણવાનું નથી ભૂલતા.

તેમાં પણ જો દશેરાના તહેવારનો દિવસ હોઈ તો પછી કરોડો રૂપિયાના ફાફડા ગાંઠીયા જલેબી અને અન્ય મીઠાઈઓનું વહેચાણ થવાનું નક્કી જ હોય. ત્યારે કોરોના મહામારીના કારણે ઘણા સમયથી મીઠાઈના વેપાર ધંધામાં મંદી હતી પરંતુ દશેરાનો તહેવાર આવતા મીઠાઈની દુકાનોમાં ખરીદી માટે લોકોની ભીડ જોવા મળી રહી છે. 

નવલા નોરતા પૂરા થવાના આરે છે ત્યારે દશેરાના પર્વને આડે હવે ગણતરીના કલાકો બાકી બચ્યાં છે. ત્યારે દશેરાના પર્વ પર મીઠાઈ ખાવુનું ખાસુ મહત્વ રહેલું છે. જો ખાસ કરીને ડોસી શાસ્ત્રની વાતસ કરીયે તો આ દિવસે મીઠાઈ ખાવાનું મહ્તવ એટલા માટે પણ હોઈ છે.

કારણકે નવરાત્રા દરમિયાન માઈ ભક્તો નવ દિવસ દરમિયાન કોઈ પણ સ્વાદિષ્ટ મીઠાઈ કે વ્યંજન આરોગતા નથી હોતા તેથી દશેરાને દિવસે નવ દિવસના ઉપવાસ બાદ લોકો મીઠાઈ તેમજ સ્વાદિષ્ટ વ્યંજન ખાતા હોઈ છે. ત્યારે રાજકોટની પ્રખ્યાત શિવ શક્તિ સ્વીટ માટના માલિકનું કહેવું છે કે હાલ અમારી શોપમાં આવી ચૂકી છે અવનવી 900 જેટલી મીઠાઈઓ.

જેમની કિંમત 400 રૂપિયા પ્રતિ કિલોથી લઇ 1600 રૂપિયા પ્રતિ કિલો સુધી પહોંચે છે. તો બીજી તરફ લોકો પણ કોરોના ને ભૂલીને મન મૂકીને હાલ મીઠાઈ ની ખરીદી કરી રહ્યા છે. તો બીજી તરફ અમારી પાસે ગત સપ્તાહ થી જ સૌરાષ્ટ્રભરના જુદા જુદા જીલ્લાઓમાંથી જથ્થાબંધ ખરીદીના ઓર્ડર પણ આવી ચૂક્યા છે.

કોરોના મહામારી વચ્ચે પણ રાજકોટ વાસીઓમા તહેવાર ઉજવવાનો ઉત્સાહ છલકાતો જોવા મળી રહ્યો છે. ત્યારે દશેરાના દિવસે તો ફાફડા જલેબી માટે ગ્રાહકો ની લાંબી લાઈનો લાગવાની નક્કી છે.