હળવદઃ વિદ્યાર્થી સ્કૂલ બસમાં ચડતી વખતે ડ્રાઈવરે બસ હંકારી, ટાયરમાં આવતા મોત
સ્કૂલ બસ ઘનશ્યામપુર ગામે ઉભી રહી હતી ત્યારે જયપાલ નાસ્તો લેવા માટે ઉતર્યો હતો. જ્યારે નાસ્તો લઈને જયપાલ સ્કૂલબસમાં ચડવા માટે જતો હતો ત્યારે બસના ડ્રાઈવરે ઉતાવળ કરી અને બસ હંકારી હતી.
મોરબીઃ ગુજરાત સહિત દેશમાં માર્ગ અકસ્માતોના (Accident) કિસ્સાઓ અનેક વખત બનતા હોય છે ત્યારે વધુ એક કિસ્સો હળવદના ઢવાણા ગામે બન્યો છે. જ્યાં એક વિદ્યાર્થીને સ્કૂલબસે (school bus) જ કચડ્યો હતો. જેના પગલે તેનું મોત નીપજ્યું હતું. ઘટનાની જાણ થતાં ગામ લોકોના ટોળા એકઠાં થયા હતા હતા. ઉલ્લેખનીય છે કે, આમ ડ્રાઈવરની ઉતાવળના કારણે એક વિદ્યાર્થી મોતને ભેટ્યો હતો જ્યારે એક પરિવારનો ચિરાગ બુજાયો હતો.
મળતી માહિતી પ્રમાણે હળવદના ઢવાણા ગામમાં જયપાલ નામનો વિદ્યાર્થી નવનિર્માણ શાળામાં પાંચમાં ધોરણાં અભ્યાસ કરતો હતો. આજે ગુરુવારે સ્કૂલ જવતા સમયે સ્કૂલ બસમાં જવા માટે નીકળ્યો હતો. જ્યારે બસ ઘનશ્યામપુર ગામે ઉભી રહી હતી ત્યારે જયપાલ નાસ્તો લેવા માટે ઉતર્યો હતો.
જ્યારે નાસ્તો લઈને જયપાલ સ્કૂલબસમાં ચડવા માટે જતો હતો ત્યારે બસના ડ્રાઈવરે ઉતાવળ કરી અને બસ હંકારી હતી.
જેના પગલે જયપાલ નીચે પડ્યો હતો અને પાછલા બસના પાછલા ટાયરમાં આવી ગયો હતો. જેના પગલે ચકદાઈ જતાં મોત નીપજ્યું હતું. ઘટનાથી અન્ય વિદ્યાર્થીઓમાં પણ ભય ફેલાયો હતો.
બીજી તરફ ઘટનાની જાણ થતાં જ ગામના લોકો એકત્ર થયા હતા. અને વિદ્યાર્થીના મોતના પગલે પરિવારજનોમાં માતમ છવાયો હતો.
