મોરબી : કોરોના વિશે અફવા ફેલાવવી ભારે પડશે! પોલીસે કરી કડક કાર્યવાહી

અતુલ જોશી, મોરબી : મોરબી જિલ્લામાં કોરોના સંક્રમણ વધી રહ્યું છે ત્યારે લોકોમાં જાગૃતિ આવે તે હેતુસર આજરોજ મોરબી શહેરી વિસ્તાર તથા હાઈવે પર મોરબી ડીવાયએસપી રાધિકા ભારાઈ, મોરબી સીટી બી ડીવીઝન પોલીસ સ્ટેશન પીઆઈ વિરલ પટેલ, મોરબી એસઓજી પીઆઈ જે.એમ.આલ, મોરબી સીટી એ ડિવિઝન પોલીસ તથા માળીયા પોલીસ સ્ટેશન પીએસઆઈ નરેન્દ્રસિંહ ચુડાસમા સહિતના સ્ટાફે લોકોને દંડ ન ફટકારતા મોરબી શહેર તથા હાઈવે પર માસ્ક વિતરણ કરવામાં આવ્યું હતું.

માસ્ક વિતરણની સાથે સાથે લોકોને માસ્ક પહેરવા, કોરોના અંગે સાવચેત રહી વધુ સંખ્યામાં એકઠા ન થવા અને નિયમોનું પાલન કરવા અપિલ કરવામાં આવી હતી. ઉલ્લેખનીય છે કે પોલીસ દ્વારા હાલ માસ્કનો દંડ કરવામાં આવે છે જેને લઈને લોકોમાં નારાજગી છે ત્યારે મોરબી પોલીસ દ્વારા ગાંધીગીરી કરવામાં આવી હતી

પોલીસ લોકોની સુરક્ષા માટે રાત દિવસ ખડે પગે રહી પોતાની ફરજ બજાવી રહી છે તને સાથ આપે અને અફવા ફેલાવનારા આવારા તત્વોને પણ કોઈ ખોટી અફવા ન ફેલાવવા અપીલ કરી છે પોલીસે જેતપર નજીકથી ખોટી અફવા ફેલાવનારા એક ઇસમની ધરપકડ કરી હતી.

રમેશભાઈ ભાટિયા ઉવ 28 રહે ઉમા ટાઉનશીપ મોરબી વિરુદ્ધ ગુનો નોંધી ધરપકડ કરી હતી અને અન્ય કોઈ ખોટી અફવાઓ ફેલાશે તો આજ રીતે કડક કાર્યવાહી કરવાનમાં આવશે તેવું ડીવાયએસપી રાધિકા ભારાઈએ જણાવ્યું છે. લોકોની સુરક્ષા એ જ મોરબી પોલીસનું ધ્યેય લોકો સાથ આપે એ પણ જરૂરી છે.

માસ્ક વિનાના લોકોને રોકી અને કોવિડ વાયરસ ની ગંભીરતા અને સાવચેતી રાખવાના સુચનો આપી માસ્ક વિતરણ કરવામાં આવ્યું છે સાથે ડીવાયએસપી રાધિકા ભારાઈના જણાવ્યા અનુસાર લોકો કોવિડ19 વાયરસ ને લઈને જે સરકાર દ્વારા ગાઈડલાઈન જાહેર કરી છે તેનું ચુસ્ત પણે પાલન કરે અને સાથે જ દેખા દેખીમાં ન રહી ખોટી અફવાઓથી દૂર રહી પોતાના પરિવારના સભ્યોને ધ્યાનમાં રાખી કોરોના નિયમોનું પાલન કરે