મેઘ પ્રકોપ! મોરબીના નવલખી બંદરનો હજારો ટન કોલસો દરિયામાં સમાયો, અનેકની રોજી રોટીને થશે અસર

અતુલ જોશી, મોરબીઃ જિલ્લામાં છેલ્લાં 3 દિવસથી 18થી 20 ઇંચ જેટલો વરસાદ (Heavy Rainfall) થયો છે. જેમાં મોરબીના (Morbi) માળિયા વિસ્તારમાં વરસાદનું વધુ જોર જોવા મળ્યું હતું. ત્યારે આવા 3 દવસથી ચાલી રહેલા ભારે વરસાદના કારણે મીઠા ઉદ્યોગમાં (Salt industry) લાખો રૂપિયાનું નુકસાન (Big Damage from rain) થવાની સાથે સાથે માળિયા તાલુકાનું નવલખી બંદર પણ તળાવ માં ફેરવાય ગયું હતું. જેના લીધે ત્યાં પડેલો હજારો ટન કોલસાનો (coal) જથ્થો પાણીના વહેણના કારણે દરિયામાં તણાઈ ગયો હતો.

ઉલ્લેખનિય છે કે, મોરબી જિલ્લાનું નવલખી બંદરને કોલસાનું હબ ગણવામાં આવે છે. અને રોજના લાખો ટન કોલસાની આયાત અને નિકાસ કરવામાં આવે છે. પરંતુ કુદરતી મેઘ પ્રકોપના લીધે જે વરસાદી પાણી નવલખી બંદર પર ફરી વળ્યા તેના કારણે કોલસો દરિયામાં વહી જતા હાલ નુકસાનનો ચોક્કસ આંકડો કાઢવો મુશ્કેલ બની ગયો છે.

પરંતુ એ ચોક્કસથી કહી શકાય કે આ કોલસાના નુકસાનથી ખાનગી કંપની થતાં આયાત કરોને મોટી નુકસાની ભોગવવી પડશે. તો બીજી બાજુ બંદર ખાતા અને કંપની દ્વારા બચી ગયેલા કોલસાને યોગ્ય જગ્યા પર ખસેડવા ની કાર્યવાહી હાથ ધરવા માં આવી છે.

અને હજી આગામી 2 દવસ વધુ વરસાદની આગાહી છે. આવામાં જો બચી ગયેલા કોલસાને સલામત સ્થળે ખસેડવામાં નહિ આવે તો મોટી તારાજી અને મોટું નુકસાન નવલખી બંદર પર થઈ શકે છે. જેની અસર મોરબીના ઉધોગોમાં પણ જોવા મળી શકે છે.

આથી આવી તારાજી કે નુકસાન ન થાય તે માટે બંદર દ્વારા યુધ્ધના ધોરણે ટીમો બનાવી હાલ કામગીરી હાથ ધરવામાં આવી છે.

જો કે હાલ વેપારીઓને લાખો રૂપિયાનો કોલસો પાણીમાં વહી ગયો છે. જેના લીધે વેપારીઓ અને ખાનગી કંપનીઓ પાયમાલ થાય તેવી શક્યતાઓ સેવાઈ રહી છે.