મોરબીઃ ભાભીને પામવા માટે ભાઈએ જ પિતરાઈ ભાઈનું ઢીમ ઢાળી દીધું, સર્ફરાજ ફિરોઝશા ઝડપાયો

અતુલ જોષી, મોરબી : મોરબીના (morbi news) લીલાપર રોડ પર (lilapar road) ગઈ કાલે મોડી રાત્રે એક યુવાનની છરીના ઘા ઝીંકી (knife attack) કરાયેલી હત્યા પ્રકરણમાં (murder case) પોલીસે ગણતરીની કલાકોમાં જ ભેદ ઉકેલી નાખ્યો છે. જેમાં મૃતકની પત્ની સાથેના (love affair with wife) આડા સબંધમાં (extra marrital affair) અડચણરૂપ બનતા યુવાનનું તેના જ પિતરાઈ ભાઈએ કાસળ (brother murder case) કાઢી નાંખયાનું ખુલ્યું છે. પોલીસે આરોપી પિતરાઈ ભાઈને (Cousin murder) ઝડપી લઈ વધુ તપાસ હાથ ધરી છે.

મોરબીમાં રાત્રીના આશરે બાર વાગ્યાની આસપાસ લીલાપર રોડ પર આવેલા હોથીપીરની દરગાહ પાસે રહેતા અને રીક્ષા ચલાવી ગુજરાન ચલાવતાં ઈમરાનશા ઉમરશા શાહમદાર ઉ.વ.25 વાળાને તેના જ કાકાના દીકરા સર્ફરાજ ફિરોઝશા શાહમદાર રહે.મકરાણી વાસ રોહિલા પીરની દરગાહ પાસે મોરબી વાળાએ અચાનક જ આવીને પેટના ભાગે છરીના ઘા ઝીકી દીધા હતા.

જેના પગલે ઇમરાન શાહમદારને 108 મારફતે ગંભીર હાલતમાં મોરબી સિવિલ હોસ્પિટલમાં ખસેડવામાં આવ્યો હતો જ્યાં વધુ રક્ત વહી જવાના કારણે સિવિલ હોસ્પિટલ તંત્ર રાજકોટ રીફર કરવાની તૈયારી કરી રહ્યું હતું એ સમય દરમ્યાન જ ઇજાગ્રસ્ત ઇમરાનનું મોત નીપજતા બનાવ હત્યામાં પલટાયો હતો.

આ ઘટનાની જાણ થતાં જ મોરબી સીટી એ ડીવીઝન, એલસીબી,ડીવાયએસપી સહિતનો પોલીસ કાફલો ઘટના સ્થળે પહોંચી ઘટનાની ઝીણવટ ભરી તપાસ હાથ ધરી હતી બીજી બાજુ મૃતક યુવાનનું પીએમ સહિતની કાર્યવાહી કરવા કવાયત હાથ ધરી હતી.

આ બનાવ બાબતે ડીવાયએસપી રાધિકા ભારાઇએ પત્રકાર પરિષદ યોજીને જણાવ્યું હતું કે આ બનાવ નો પોલીસે ગણતરીની કલાકોમાં ભેદ ઉકેલી આરોપીને દબોચી લીધો છે. જેમાં મૃતકની પત્નીને પામવા પિતરાઈ ભાઈ એ જ યુવાનની હત્યા કર્યાની કબુલાત આપી હતી. જેને લઈને પોલીસે આગળની કાર્યવાહી હાથ ધરી છે.