મોરબી : APMCની ચૂંટણીમાં કોરોના પોઝિટિવ MLA PPE કીટ પહેરી પહોંચ્યા, નિયમ વિરુદ્ધ મતદાન કરતા હોબાળો

અતુલ જોશી, મોરબી : આજે મોરબી (Morbi) એપીએમસીની (APMC) સામાન્ય ચૂંટણી (Election) યોજાઈ રહી છે. સવારથી જ તમામ મતદારો મતદાન માટે આવી રહ્યા છે. જોકે, જિલ્લાના કૉંગ્રેસના (Congress) ધારાસભ્ય લલિત કગથરાની (Lalit Kagathara) હરકતોના કારણે વિવાદ થયો છે. ધારાસભ્ય લલતિ કગથરા કોરોના પોઝિટિવ છે અને તેઓ સામાન્ય સમયમાં અન્ય લોકોની વચ્ચે મતદાન કરવા આવી પહોંચતા હોબાળો મચ્યો છે.

લલિત કગથરા પીપીઈ કીટ પહેરીને મતદાન કરવા માટે આવ્યા હતા. સામાન્ય રીતે ચૂંટણીઓમાં મતદાનનો છેલ્લો કલાક કોરોનાના દર્દીઓ માટે ફાળવાયેલો હોય છે જેમાં મતદારો પીપીઈ કીટમાં મતદાન કરી શકે છે. જોકે, ત્યારે ત્યાં અન્ય મતદારો માટે મતદાન સામાન્ય સંજોગોમાં નથી હોતું.

લલિત કગથરા પીપીઈ કીટ પહેરીને મતદાન કરવા માટે આવ્યા હતા. સામાન્ય રીતે ચૂંટણીઓમાં મતદાનનો છેલ્લો કલાક કોરોનાના દર્દીઓ માટે ફાળવાયેલો હોય છે જેમાં મતદારો પીપીઈ કીટમાં મતદાન કરી શકે છે. જોકે, ત્યારે ત્યાં અન્ય મતદારો માટે મતદાન સામાન્ય સંજોગોમાં નથી હોતું.

સામા પક્ષે ભારતીય જનતા પાર્ટીના નેતા અને રાજકોટ મોરબીના સાંસદ મોહન કુંડારિયાએ જણાવ્યું હતું કે 'આ સ્થિતિમાં ચૂંટણીઓમાં મતદાન કરવા માટે ચોક્કસ સમય છે. કોઈ પણ વ્યક્તિએ હોય તેણે માનવતાના ધોરણે આ પ્રકારનું વર્તન ન કરવું જોઈએ. આનાથી કોરોનાના સંક્રમણનું જોખમ વધી શકે છે.'

લલતિ કગથરાએ ન્યૂઝ18 ગુજરાતી સાથેની વાતચીતમાં દાવો કર્યો કે તેમણે વર્લ્ડ સ્ટાન્ડર્ડની પીપીઈ કીટ પહેરી હતી જે ડબલ્યુએચઓ દ્વારા માન્યતા પ્રાપ્ત હોય છે તેવા સ્ટાન્ડર્ડની છે. દરમિયાનમાં તેમણે એવી દલીલ પણ કરી કે સત્તાધારી ભારતીય જનતા પાર્ટીના કાર્યક્રમો યોજાતા હોય ત્યારે કોરોના નથી નડતો.