જૂનાગઢ : મીની બસ અને કાર વચ્ચે ગમખ્વાર અકસ્માત, યુવાન તબીબનું ઘટના સ્થળે મોત

અતુલ વ્યાસ, જૂનાગઢ : જૂનાગઢ-વંથલી હાઈવે પર ખાનગી બસ અને કાર વચ્ચે અકસ્માત થતા કાર ચાલક ડો. રવી ડઢાણીયાનું ઘટના સ્થળે મોત થયુ હતું તો બસમા સવાર ચાર મુસાફરો ઈજા પહોંચી હતી. બનાવની વીગત પ્રમાણે આજે સાંજ ના સમયે જૂનાગઢ વંથલી હાઈ વે પર ભોલેનાથ ટ્રાવેલની બસ કાર સાથે ધડાકાભેર અથડાઈ હતી .

આ અકસ્માતમાં કારનો બૂકડો બોલી ગયો હતો. કાર ચાલક ડો. રવી ડઢાણીયા છાતીમાં કાર નો આગળ નો ભાગ ઘુસી જતાં તેમનું સ્થળ પર મોત થઈ ગયું હતુ અને અકસ્માત એટલો ગમખ્વાર હતો કે કારને તોડીને ડોક્ટર નો મૃતદેહ બહાર કાઢવામાં આવ્યો હતો.

મૃતક ડોક્ટર વંથલીના શાપુર ગામે પ્રાઇમરી હેલ્થ સેન્ટર (PHC) ફરજ બજાવતા હતા અને પોતાના સ્વભાવ અને તબીબી સેવા ને લઈને આ વિસ્તારમાં ખૂબ નામના મેળવી હતી.

માત્ર 33 વર્ષ ની ઉંમરે તેમનું અવસાન થતા સમગ્ર વિસ્તારમા અરેરાટી વ્યાપી ગઈ છે. મૃતક ડોક્ટરને એક વર્ષની દીકરી છે યુવાન વયે ડોક્ટરની આકસ્મિક વીદાયથી પરીવારમાં કલ્પાંત છવાયો છે. જૂનાગઢ વંથલી હાઈ વે પર અકસ્માતના પગલે ટ્રાફિક જામ થઈ ગયો હતો.

પોલીસ ઘટના સ્થળે પહોચી હતી અને અકસ્માત અંગ તપાસ હાથ ધરી હતી. અકસ્માત સર્જનાર ખાનગી બસમાં રહેલા ચાર મુસાફરોને ઈજા પહોંચી હતી તમામને સારવાર માટે 108 મારફતે જૂનાગઢ સરકારી હોસ્પિટલમાં ખસેડવામાં આવ્યા હતા.

હાલ પોલીસે ઇજાગ્રસ્ત લોકો ના નીવેદન નોંધી આગળની કાર્યવાહી હાથ ધરી છે બીજી તરફ જોવા જઈ એ તો પુરપાટ દોડતા વાહનો અનેક અકસ્માતો. સર્જે છે અને ઘણા આશાસ્પદ યુવાનો મોત ને ભેટે છે ત્યારે એક ખાનગી બસ ના ચાલકે બે ફામ બસ ચલાવી એક આશાસ્પદ યુવાન ડોક્ટર નો ભોગ લીધો છે