જામનગર: ગૌ શાળા દ્વારા રાહત દરે ફટાકડા વિતરણનાં લાગ્યા સ્ટોલ, સ્વદેશી ફટાકડા લેવાં પડાપડી

કિંજલ કારસરીયા, જામનગર: દિવાળીનાં તહેવારો આવતા જામનગરના ફટાકડા માર્કેટ પણ ધમધમતા થયા છે ત્યારે જામનગરના દરેડ GIDC ફેઝ-3,  વિસ્તારમાં શ્રી મા દર્શન ગૌશાળા દ્વારા લાભાર્થે ફટાકડાનાં સ્ટોલ ખોલવાંમાં આવ્યાં છે. જ્યાં મોટી સંખ્યામાં લોકો દિવાળી પૂર્વે ફટાકડાની ખરીદી કરવાં ઉમટી રહ્યા છે.

બજાર કરતાં સસ્તા અને ખાસ સ્વદેશી તેમ જ ગ્રીન ફટાકડા અહીં ઉપલબ્ધ હોવાથી અહીં ફટાકડા લેવાં લોકો ઉમટી રહ્યાં છે.  ને લઈને અહીં વેચાતા ફટાકડા લઈ લોકો પણ ગૌસેવામાં પોતાનું અનુદાન જઈ રહ્યું હોય તેથી હોંશભેર અહીંથી જ ફટાકડા લઈ રહ્યા છે. 400થી વધુ વેરાઈટી એક જ સ્થળેથી સ્વદેશી ફટાકડા અને ગ્રીન ફટાકડા મળતા લોકો પણ બીજે જવા કરતાં અહીંથી લેવા માટે ઉમટી રહ્યા છે.

દિવાળી પહેલાં જ ઉજવણીનાં ઉમંગ સાથે ગૌસેવાનાં ઉમદા હેતુથી વેચાઈ રહેલા ફટાકડા લઈને ગૌસેવાના યજ્ઞમાં સહભાગી થયાનો અહેસાસ પણ કરી રહ્યા છે.

શ્રી મા દર્શન ગૌશાળામાં હાલ 330 જેટલી નિરાધાર વૃદ્ધ અપંગ અને અંધ ગૌવંશની કાળજી સાથે પાલન પોષણ કરવામાં આવે છે.

ગૌ સેવકો દ્વારા દિવાળીના તહેવારો પૂર્વે જ પોતાના ધંધા-રોજગાર માંથી સમય કાઢી ગૌસેવા ના લાભાર્થે ફટાકડાની વેચાણ વ્યવસ્થામાં પણ 50થી વધુ સ્વયંસેવકો સેવા આપી રહ્યા છે.