Jamnagar Holi: જામનગરમાં 25 ફૂટની સૌથી ઊંચી હોલિકાનું થયું દહન, 66 વર્ષથી ચાલતી પરંપરાની વિશ્વમાં બોલબાલા

કિંજલ કારસરીયા, જામનગર :  જામનગરમાં હોળીના  (Jamnagar) પર્વ નિમિતે વિશ્વવિખ્યાત  25 ફૂટની વિશાળ હોલિકાનું (25 feet Tall Holika Dahan in Jamnagar) રંગે ચંગે દહન કરવામાં આવ્યું હતું. હોળીના પર્વે સવારે વિશાળ હોલિકાની શોભા યાત્રા (Holik Shobhayatra)  ભોઈવાળા વિસ્તારમાં (Bhoiwala Area Jamnagar)  આવેલા ભોઇ જ્ઞાતિની વાડી ખાતેથી નીકળી હતી. વાજતે ગાજતે ડીજેના તાલે ભોઈ જ્ઞાતિના નાના બાળકોથી લઇ યુવાનો જુદા જુદા અંગ કસરતના દાવ રજૂ કરી આ શોભાયાત્રામાં જોડાયા હતા.

હોલિકાની શોભાયાત્રા ભોઇવાળા વિસ્તારમાં ફરી ભોઈના ઢાળિયા પાસે પહોંચી સંપન્ન થઈ હતી. જ્યાં મોટી સંખ્યામાં ઉપસ્થિત જામનગર અને આસપાસના શ્રદ્ધાળુઓ ઉપરાંત દેશ-વિદેશમાંથી આવેલા લોકોની ઉપસ્થિતિમાં હોલિકા દહન કરવામાં આવ્યું હતું.

જામનગરમાં યોજાતી વિશ્વવિખ્યાત હોલિકા મહોત્સવ દરમિયાન સ્થાનિક શ્રદ્ધાળુઓ ઉપરાંત અનેક વિસ્તારના લોકો હોલિકા દહન નિહાળવા માટે પહોંચ્યા હતા અને હકડેઠઠ મેદીની વચ્ચે હોલિકા દહન કરવામાં આવ્યું હતું.

પૌરાણિક કથા મુજબ હોલિકાના ખોળામાંથી વરદાની ચુદડી સાથે ભક્ત પ્રહલાદને બચાવી લેવામાં આવ્યો હતો. અને હોલિકા નું સંપૂર્ણ દહન થયું હતું. ત્યારે અસત્ય પર સત્યના વિજયના વધામણા પણ કરવામાં આવ્યા હતા.

જામનગરની આ પરંપરાનું આ વર્ષે 66મું વર્ષ છે. કોરોનાના બે વર્ષ પ્રતિકાત્મક ઊજવણી બાદ પહેલીવાર આ વર્ષે લોકો તહેવારની રંગેચંગે ઊજવણી કરી રહ્યા છે ત્યારે સમગ્ર જામનગર ઉત્સવના રંગે રંગાઈ ગયું છે.