ગીર સોમનાથઃ શિરવાણ ગામમાં હુસેન બ્લોચની કુહાડીના ઘા મારી હત્યા, દિનુ મીર અને ફિરોઝ મકવાઝાની ધરપકડ

દિનેશ સોલંકી, ગીર સોમનાઃ ગીર સોમનાથના (Gir somanth) તાલાલા ગીરના રસુલપર (talala gir rasulpur) ગામ નજીક માલઢોર ચરાવવા જેવી નજીવી બાબતે બે શખ્‍સોએ સાસણના યુવકની કુહાડીના ઘા ઝીકી કરી (young man was stabbed to death) હત્‍યા. વહેલી સવારે બનેલ હત્‍યાની ઘટનાથી પંથકમાં ચકચાર સાથે અરેરાટી. બંન્‍ને આરોપી શખ્‍સોને પોલીસે (police) ગણતરીના કલાકોમાં ઝડપી કાયદેસરની કાર્યવાહી હાથ ઘરી.

ગીર સોમનાથ જીલ્‍લાના તાલાલા ગીરના શિરવાણ ગામે માલઢોર ચરાવવા બાબતે સાસણ ગીરના યુવકની પંથકના બે યુવકોએ કુહાડીના ઘા ઝીકી કરપીણ હત્‍યા કરી નાંખતા અરેરાટી મચી ગઇ છે.

તહેવારોના દિવસો દરમ્‍યાન નજીવી બાબતે થયેલ હત્‍યાના પગલે પંથકમાં ચકચાર મચવી જવાની સાથે પોલીસ સ્‍ટાફ ઘટના સ્‍થળે દોડી જઇ તપાસ હાથ ઘરી હત્‍યારા બંન્‍ને યુવકોને અટકાયત કરી છે.

હત્‍યા મામલે પોલીસે ગુનો નોંઘી વઘુ તપાસ હાથ ઘરી છે. દિવાળી-નવા વર્ષના પર્વના દિવસોમાં સર્વત્ર ખુશીના માહોલ વચ્‍ચે ગીર સોમનાથ જીલ્‍લાના તાલાલા ગીર પંથકમાંથી હત્‍યાનો ચકચારી ઘટના સામે આવી છે. જેમાં નજીવી બાબતે બે યુવકોએ એક યુવકને રહેસી નાંખ્‍યા હોવાનું સામે આવતા પંથકમાં ચકચાર મચી ગઇ છે.

પ્રાપ્ત વિગતો મુજબ આજે સવારે તાલાલા ગીર પંથકના રસુલપરા ગામના રોડ પર સાસણ ગીર ગામે રહેતા હુસેન બ્‍લોચ નામના યુવકની બે યુવકોએ કુહાડીના ઘા ઝીકી કરપીણ હત્‍યા કરી નાંખી હતી. આ હત્‍યાની જાણ થતા તાલાલાના પોલીસ અઘિકારી સ્‍ટાફ સાથે ઘટનાસ્‍થળે દોડી જઇ તપાસ હાથ ઘરી હતી.

પોલીસની પ્રથામીક તપાસમાં તાલાલા ગીરના શિરવાણ ગામની સીમમાં માલઢોર ચરાવવા બાબતના મનદુ:ખમાં વાડલા ગામના દિનુ બચુ મીર અને રસુલપરા ગામના ફિરોઝ મકવાણા નામના બંન્‍ને યુવકો સાસણ ગીરના યુવક હુસેન બ્‍લોચની કરપીણ હત્‍યા કરી હોવાનું સામે આવ્યું છે. જેના પગલે ગણતરીના કલાકોમાં જ પોલીસે બંન્‍ને આરોપી યુવકોની અટકાયત કરી છે.