PM modiએ ગીર સોમનાના કલેક્ટર સાથે કરી વાત, સોમનાથ અંગે શું કર્યો સંવાદ?

દિનેશ સોલંકી, ગીર સોમનાથઃ વડાપ્રધાન નરેન્દ્રભાઈ મોદીએ (Prime minister Narendra modi) વીડિયો કોન્ફરન્સના (Video conferencing) માધ્યમથી ગીર સોમનાથ કલેકટર સાથે વાત કરી. દેશના વડા પ્રધાને ગીર સોમનાથ (Gir somnath) સહિત દેશના 5 જેટલા વિકાસશીલ જિલ્લાનાં કલેક્ટર (District Collector) સાથે વીડિયો કોન્ફરન્સનાં માધ્યમથી ટુરિઝમને લઈ સંવાદ કર્યો હતો. ગીર સોમનાથમાં આવતા યાત્રીઓની સુવિધામાં કઈ રીતે વધારો કરી શકાય તેને લઈ કરાય ચર્ચા.

ગીર સોમનાથ જિલ્લાનાં અરબી સમુદ્ર કિનારે દેશના પ્રથમ જ્યોતિર્લિંગ સોમનાથ મહાદેવ (First Jyotirlinga Somnath Mahadev) બિરાજમાન છે. સોમનાથમાં આમ પણ છેલ્લા ઘણા વર્ષોથી વિકાસ કાર્યો થતા રહ્યા છે. આજે સોમનાથ પ્રસિદ્ધ યાત્રાધામ તરીકે વિકસી આવ્યું છે.

પરંતુ જ્યારથી ગીર સોમનાથ જીલ્લો જૂનાગઢથી અલગ થયો છે. ત્યારથી પોતાની અલગ ઓળખ બનાવી છે. જે પીએમ મોદીને આભારી છે. વર્ષ 2013માં ગીર સોમનાથ જિલ્લાની અલગ રચના થઈ અને આ જિલ્લામાં દેશના પ્રથમ જ્યોતિર્લિંગ સોમનાથ મહાદેવનાં મંદિરની સાથે સાથે અનેક ફરવા લાયક સ્થળો આવેલાં છે.

જેમાં સોમનાથ, પ્રાચી તીર્થ, જમજીરનો ધોધ, અનેક પૌરાણિક સૂર્ય મંદિરો, ગુફાઓ,ગીરનું જંગલ અને વિશાળ અરબી સમુદ્ર સહિત અનેક સ્થળોને લઈ આજે ગીર સોમનાથ જીલ્લો યાત્રીઓ અને પ્રવાસીઓ માટે આકર્ષણનું કેન્દ્ર બની અને ગુજરાત માટે ટુરિઝમનું હબ બન્યો છે.

આજે દેશના વડા પ્રધાન અને ગુજરાતનાં પનોતા પુત્ર નરેન્દ્રભાઈ મોદી દ્વારા દેશના 5 જેટલા વિકાસશીલ જિલ્લાનાં કલેક્ટર સાથે વીડિયો કોન્ફરન્સનાં માધ્યમથી જોડાય સંવાદ કર્યો હતો.અને હજુ વધુ કઈ રીતે જિલ્લાને ટુરિઝમ ક્ષેત્રે આગળ વધારી શકાય અને યાત્રી સુવિધામાં વધારો કરી શકાય તે બાબતે ચર્ચા કરવા આવી હતી. જેમાં ખાસ કરીને સોમનાથ આવતા યાત્રીઓ માટે.

ગીર સોમનાથ જિલ્લા કલેકટર સાથે વીડિયો કોન્ફરન્સનાં માધ્યમથી એ વિગત જાણી હતી કે ગીર સોમનાથ જિલ્લામાં કેટલા દર્શનીય અને પર્યતાનીય સ્થળો છે.આ ઉપરાંત સોમનાથ માટે હજુ શુ કરવું ઘટે છે.આ ઉપરાંત ખાસ કરીને સોમનાથ આવતા યાત્રીઓની સુવિધા માટે ટુરિઝમ ક્ષેત્રે હજુ વધુ શુ કરી શકાય તે અંગે માર્ગદર્શન આપી સલાહ સૂચનો કર્યા હતા.

સમગ્ર ભારતમાં ટુરિઝમ ક્ષેત્રે જે જિલ્લાઓનો વિકાસ હજુ વધુ થઈ શકે તેમ છે. તે પૈકી ગુજરાત માંથી ગીર સોમનાથ જિલ્લાનો સમાવેશ કરવામાં આવ્યો છે. તે ગૌરવની વાત છે.ગુજરાત ટુરિઝમ ને કેન્દ્ર દ્વારા પૂર્ણ સહયોગ આપી અને ગીર સોમનાથ જિલ્લો વિકાસની નવી કેડી કંડારશે તેમાં બે મત નથી.