ગીર સોમનાથ : ADMની ગાડીની ટક્કર વાગતા એક વ્યક્તિનું મોત, સરકારી ગાડીએ બાઇક ચાલકનો જીવ લીધો!

દિનેશ સોલંકી, ગીર સોમનાથ : ગીર સોમનાથ જિલ્લામાં (gir somnath) સરકારી ગાડીએ ટક્કર (Accident) મારતા એક બાઇક ચાલકનું (Bike Rider) અકસ્માતમાં મોત (Death) થયું છે. ઘટના ગઈકાલે રાતે જિલ્લાના વડામથક સોમનાથમાં ઘટી હતી. અકસ્માતમાં અન્ય એક વ્યક્તિને ગંભીર ઈજાઓ થતા તેને હૉસ્પિટલમાં ખસેડવામાં આવ્યો છે. બનાવના પગલે પોલીસે સરકારી ગાડીને પોલીસ સ્ટેશન લઈ જઈ કાર્યવાહી શરૂ કરી છે.

બનાવની વિગતો એવી છે કે ગઈકાલે ગીરસોમનાથના વડા મથક સોમનાથના પ્રવેશ દ્વાર પાસે એક કાર અને બાઇક વચ્ચે અકસ્માત થયો હતો. દરમિયાન બાઇકને ટક્કર મારનાર ગાડી અધિક જિલ્લા કલેક્ટરની (ADM car Bike Accident) સરકારી ટાટા સુમો ગાડી હતી.

ટક્કર એટલી જોરદાર હતી કે બાઇકના સ્પેરપાર્ટ ઉડીને દૂર ફંગોળાયા હતા. સોમનાથ સ્વામિનારાયણ ગુરકુળની સામે ઘટેલી આ ઘટનામાં બાઇક સવારનો જીવ નીકળી ગયો હતો. ઘટના સ્થળે મોતને ભેટેલા બાઇક ચાલક સાથે એક વ્યક્તિ ઈજાગ્રસ્ત થયો હતો જેને સારવાર આરપવાની તજવીજ હાથ ધરાઈ હતી.

જોકે, આ ગાડી અધિક જિલ્લા કલેક્ટરને ફાળવાયેલી સરકારી ટાટા સુમો હતો જેણે અકસ્માત સર્જતા એક નિર્દોષ વ્યક્તિનું મોત થયું છે. ત્યારે આ ગાડીમાં અધિકારી હાજર હતા કે નહીં તેની પુષ્ટી થઈ નથી. પ્રભાસ પાટણ પોલીસે અકસ્માત બાદ સરકારી ગાડી પોલીસ મથકે લઈ જઈને આગળની કાર્યવાહી હાથધરી છે.