કરુણ ઘટના! ગીર સોમનાથના ઉનામાં ઊંઘતી બે બાળકીઓને સાપે ડંખ માર્યો, બે બહેનોના મોતથી પરિવાર શોકાતુર

દિનેશ સોલંકી, ગીર સોમનાથઃ ગીર સોમનાથના ઉનામાં એક કરુણ ઘટના બની હતી. અહીં એક જ પરિવારની બે નાની બહેનોએ સાપે ભોગ લીધો હતો. જમ્યા બાદ રાત્રે ઉંઘતી બંને બહેનોને સાપે ડંખ મારતા બંને મોતને ભેટી હતી. એક સાથે બે દીકરીઓને ગુમાવતા પરિવારમાં શોકનું મોંજુ ફેલાયું હતુ. સાપના ડંખથી બે બહેનો મોતને ભેટ્યાની ઘટનાથી સમગ્ર વિસ્તારમાં ચકચાર મચી ગઈ હતી.

મળતી માહિતી પ્રમાણે ગીર સોમનાથના ઉના તાલુકામાં આવેલા લામધાર ગામમાં પોતાના પરિવાર સાથે રહેતા એક પરિવાર ઉપર સાપ આફત બનીને આપ્યો હતો. રાત્રી દરમિયાન રહેણાંક વિસ્તારમાં આવ્યો હતો. તે અચાનક મકાનની ઓરડીમાં ઘુસ્યો હતો.

રાત્રી દરમિયાન જમ્યા બાદ ઘરમાં ઉંઘતી 12 વર્ષની નિધિ અને અંદાજે 10 વર્ષની વનિકા મકાનની ઓરડીમાં ઊંઘતી હતી. આ દરમિયાન ઓરડીમાં આવેલા સાપે બંને બહેનોને ડંખ માર્યો હતો.

સાપના ઝેરના કારણે બંને બહેનોના મોત નીપજ્યા હતા. પરિવારને જાણ થતાં સાપનું કામ તમામ કર્યું હતું. અને પરિવારના સભ્યો બંને દીકરીઓએ સારવાર માટે હોસ્પિલ ખસેડાઈ હતી. અને ડોક્ટરોએ તેમને મૃત જાહેર કરી હતી.

મોત બનીને આવી ચડેલા સાપે હસતી રમતી બાળકીઓનો જીવ લેતા પરિવારમાં શોકની લાગણી ફેલાઈ હતી. જ્યારે આ ઘટનાથી આસપાસના વિસ્તારમાં પણ ભયનો માહોલ ઊભો થયો હતો.