ગીર સોમનાથઃ ટાઉતે વાવાઝોડાએ ઉનાના આ બે ગામોમાં મચાવી સૌથી વધારે તબાહી, વિનાશની જુઓ તસવીરો

દિનેશ સોલંકી, ગીર સોમનાથઃ ઉના તાલુકાના (Una) અમોદ્રા અને અંજાર ગામમાં ટાઉતે વાવાઝોડાંએ (tauktae cyclone) તાંડવ મચાવ્યો હતો. ગામના તમામ બાગ બગીચાઓ જમીન દોસ્ત થયા તો અનેક મકાનો, ગોડાઉનોના છપરા ઉડ્યા, જયારે ગામના અનેક દુધાળા પશુઓના થયા મોત. ખેડૂતો થયા પાયમાલ.

ગીર સોમનાથ જિલ્લાના ઉના તાલુકાના અંજાર અને અમોદ્રા ગામમાં જ્યાં ટાઉતે નામના તુફાને ચારેય તરફ તબાહિના દ્રશ્યો સર્જી દીધા. એક સમયનો નાઘેર પંથક કહેવાતો વિસ્તાર હાલ ઉજ્જડ વન બની ગયો છે.

અને એક સમયે ઉના નજીકના દેલવાડા ગામથી અંજાર જતા રસ્તોમાં ઘટાદાર વૃક્ષો જોઈને સૌ કોઈ આનંદિત થઈ જતા. પરંતુ આજે તુફાને મચાવેલી તબાહી ના કારણે હાલ અંજાર ગામથી 7 કિલોમીટર દૂર આવેલું અંજાર ગામ ચોખ્ખું દેખાય રહ્યું છે.

ગામનો કોઈ ખેડૂત બાકી નહિ હોય જેમનો નાળિયેર અને કેસર કેરીનો બગીચો તબાહ ન થયો હોય. જોકે આમતો ઉના પહોંચતા ની સાથે જ ઉના શહેર સહિત તમામ ગામો જાણે દાયકાઓ જુના વિરાન વિસ્તાર હોય અને જાણે દાયકાઓથી જાણે અહીં કોઈનો વસવાટ ન હોય તેવુ પ્રતીત થાય છે. ત્યારે હાલ અંજાર ગામ સહિત અનેક ગામોના ખેડૂતો વાવાઝોડાં ને યાદ કરતા રાતાપાણી એ રડી રહ્યા છે.

જોકે હવામાન વિભાગની આગાહીને વાવાઝોડું આવે તે પહેલાં ખેડૂતો પણ સાવચેત થઈ ગયા હતા અને મોટાભાગના ખેડૂતોએ પોતાના આગોતરા આયોજન રૂપે પાક અને પશુઓ ને સુરક્ષિત જગ્યાઓ એ રાખી દીધા હતા. પરંતુ કુદરત જાણે નારાજ હોય તેમ તમામ બગીચાઓ તો નષ્ટ થયા.

પરંતુ અંજાર અને અમોદ્રા ગામ સહિત આસપાસના ગામોમાં ભારે પવન અને વરસાદના કારણે દીવાલો અને વૃક્ષો ધરાશય થતા અનેક પશુઓના મોત નિપજ્યા હતા. ખેતી બાદ આ વિસ્તારના ખેડૂતો દુધાળા પશુઓ રાખી પરિવાર ચલાવવા મદદ રૂપ થતા પશુઓ જ મોત ને ભેટતા કહેવાતા નાઘેર પંથકના ખેડૂતો ના હાલ બેહાલ થયા છે. અને આ વિસ્તારના ખેડૂતો આશરે 10 વર્ષ પાછળ ધકેલાયા છે.