ગીર સોમનાથઃ આલિદરનાઅઢી માસના વિવાનને દુર્લભ બીમારી, રૂ.16 કરોડના ઇન્જેક્શનની જરૂર, માતા-પિતાએ મદદ માટે હાથ ફેલાવ્યા

દિનેશ સોલંકી, ગીર સોમનાથઃ ગીર સોમનાથના (Gir Somnath) આલિદર ગામના (Aalidar village) વિવાન નામના બાળકને sma (સ્પાઈન મક્યુલર એટ્રોફી) (Spine macular atrophy) નામની ગંભીર બીમારી, વિવાનની બીમારીને લઈ પરિવાર મુકાયો ચિંતામાં. 16 કરોડના ખર્ચને લઈ વિવાનના માતા-પિતા લોકો પાસે મદદ માંગી રહ્યા છે.

ગીર સોમનાથ જિલ્લાના આલિદર ગામની આ ઘટના છે. જ્યાં અઢી માસના વિવાન નામના બાળકનો બાળક ગંભીર બીમારીથી પીડાય રહ્યો છે. SMA (સ્પાઈન મક્યુલર એટ્રોફી) નામની ગંભીર બીમારીને લઈ બાળક વિવાન સહિત ચાર લોકો પરિવાર પર આજે આભ ફાટી પડ્યું છે.

કચ્છમાં ખાનગી કંપનીમાં નોકરી કરી પોતાના ઘરનું ગુજરાન ચલાવતા અશોકભાઈ વાઢેળ પોતાના એકના એક દીકરાને લઈ ચિંતિત બન્યા છે. અશોકભાઇના કહેવા મુજબ થોડા સમય પહેલા તે બીમાર પડતા અને સ્વાશમાં તકલીફ થતા તેને જૂનાગઢ ખાતે હોસ્પિટલ લઈ જવામાં આવ્યો હતો.

જ્યાથી તેમના રિપોર્ટ ચેન્નઈ મોકલાયા બાદ માલુમ પડ્યું કે વિવાન sma સ્પાઇન મસ્ક્યુરલ એટ્રોફી નામની બીમારીથી પીડાય રહ્યો છે. જે બિમારી ધૈર્યરાજને પણ હતી તેજ બીમારી વિવાનને પણ થઈ છે. ભાગ્યેજ જોવાં મળતી SMA નામની બિમારીથી વિવાનને બચાવવા 16 કરોડનું ઈન્જેકશન આપવું પડશે. તેવું નિષ્ણાતો એ જણાવ્યું છે.

વિવાનના પિતાનું નામ અશોક ભાઈ વાઢેળ છે. જે ગીર સોમનાથના આલીદર ગામે રહે છે. અશોકભાઈ કચ્છમાં એક ખાનગી કમ્પનીમાં જોબ કરે છે. અને તેમને 18 હજાર પગાર છે.

જેમાં તે પોતાના પરિવારનું ગુજરાન ચલાવે છે. જોકે વિવાનને  smaની બીમારીમા બચાવવા 16 કરોડ રૂપિયા ક્યાંથી લાવવામાં તે સૌથી મોટો સવાલ છે. તેમની હિંમત તૂટી ગઈ છે.

આખરે અશોકભાઈએ સોસીયલ મીડિયાના માધ્યમથી ગુજરાત અને દેશમા લોકોને મદદ માટે આગળ આવવા અપીલ કરી છે.

વિવાનના નજીના સગા ઓના મતે આ પ્રકારની ગંભીર બીમારીમાં સરકારે પણ મદદરૂપ થવું જોઈએ જેથી બાળક ને બચાવી શકાય.