ગીર સોમનાથઃ વરસાદ વચ્ચે તાલાલા, ગીર અને ગ્રામ્ય પંથકમાં 2.9ની તીવ્રતાનો ભૂકંપ, તાલાલાથી 9 km દૂર કેન્દ્રબિન્દુ

ગીર સોમનાથઃ થોડા દિવસોના વિરામ બાદ સૌરાષ્ટ્ર (Saurashtra) પંથકના કેટલાક વિસ્તારોમાં મેઘરાજાનું (Rain) ફરથી આગમન થયું છે. તો સાથે સાથે ગીર સોમનાથના (Gir Somnath) કેટકલા વિસ્તારોમાં ભૂકંપના (Earthquake) આંચકા ઓ પણ અનુભવાયા હતા. એક બાજુ વરસદા, બીજી તરફ ભૂકંપ અને ત્રીજી બાજુ કોરોના વાયરસનો ફફડાટ હોવાથી લોકોમાં વધારે ભયનો માહોલ સર્જાયો હતો. ગીર સોમનાથ પંથકના ગ્રામ્ય વિસ્તારોમાં 2.9ની તીવ્રતાનો ભૂકંપ આવ્યો હતો. ભારે વરસાદ વચ્ચે ગુરુવારે 3.44 મિનિટે ગીર સોમનાથની ધરતી ધ્રૂજી હતી.

મળતી માહિતી પ્રમાણે સૌરાષ્ટ્ર પંથકમાં એક તરફ વરસાદ પડી રહ્યો હતો ત્યારે બીજી તરફ ગીર સોમનાથના તાલાલા, ગીર અને ગ્રામ્ય વિસ્તારોમાં ગુરુવારે બપોરે 3.44 વાગ્યે ભૂકંપનો આંચકો અનુભવાયો હતો.

સિસ્મોલોજી વિભાગના આંકડા પ્રમાણે રિક્ટર સ્કેલ ઉપર ભૂકંપની તિવ્રતા 2.9 નોંધાઈ હતી. જ્યારે તાલાલાથી 9 કિલોમિટર દૂર નોર્થ ઈસ્ટમાં ભૂકંપું કેનદ્ર બિન્દુ હતું. જોકે, આ ભૂકંપમાં કોઈ જાનહાની પહોંચી નથી.

સૌરાષ્ટ્ર પંથકમાં વરસાદની વાત કરીએ તો સૌરાષ્ટ્રના ગીર સોમનાથ, અમરેલી, ગઢડા સહિતના અનેક વિસ્તારોમાં મેગરાજાની પધરામણી થઈ હતી. અમરેલીના બાબરા, દરેડ, ગડકોટડી, ચમારડી, ધરાઈ, ખાખરીયા જ્યારે ધારી પંથકમાં ધારી શહેર સહિત દુધાળા, ખિસરી, જીરા, સરસિયા સહિતના ગામોમાં લાંબા વિરામ બાદ વરસાદ પડ્યો હતો.

સાથે સાથે અમરેલી જિલ્લામાં અમરેલી શહેર સહિત ખાંભા, અને આસપાસના ગ્રામ્ય વિસ્તારોમાં વરસાદ પડ્યો હતો. વરસાદના પગલે વાતાવરણમાં ભારે ઠંડક પ્રસરી હતી. બીજી તરફ પીપળવા, બગસરામાં ધોધમાર વરસાદ પડતા રોડ રસ્તાઓ ઉપર પાણી વહેતા થયાં હતા.