ગીર બન્યું બોલિવૂડનું નવું ટ્રાવેલ ડેસ્ટિનેશન,આમિર બાદ ઝરીનખાને પણ કર્યા સિંહ દર્શન

આમિરખાન (Amirkhan) બાદ બોલિવૂડની અભિનેત્રી ઝરીનખાને (Zarinkhan) પણ સાસણ ગિરની (Sasan Gir) મુલાકાત લીધી હતી. તેણે આજે સવારે જંગલ સફારીનો (Jungle Safari) આનંદ માણ્યો હતો અને સિંહ પણ જોયા હતા. ઝરીન પોતાના પરિવાર સાથે સાસણના એક રિસોર્ટમાં રોકાઈ હતી. (ઇનપુટ- અતુલ વ્યાસ, જૂનાગઢ)

ત્યાર બાદ વહેલી સવારે તેણે સાસણમાં સિંહના દર્શન પણ કર્યા હતા. ઝરીનને સિંહ દેખાતા વિડીયો ઉતાર્યો અને ઈન્સ્ટા સ્ટોરીમાં શેર કર્યો હતો. ઝરીનના સોશિયલ મીડિયામાં તે ડીનર જમતી વખતે લાઈવ મ્યુઝીકનો પણ આનંદ માણ્યો હતો.

મળતી માહિતી પ્રમાણે, બોલિવૂડની અભિનેત્રી ઝરીનખાન ગઇકાલે સાંજે મોટરમાર્ગે સાસણ આવી હતી.

સાસણના એક ખાનગી રીસોર્ટમાં રોકાણ કર્યું હતું. આજે સવારે 7 વાગ્યાની જંગલ સફારીની પરમીટ કઢાવી હતી.

પરિવાર સાથે ઝરીનખાન

તાજેતરમાં જ આમીર ખાને પણ પરિવાર સાથે ગીરની મુલાકાત લીધી હતી. ધીમે ધીમે વિશ્વભરમાં ગીરનું આકર્ષણ વધી રહ્યું છે. તેમજ અનેક બોલીવૂડ સ્ટાર્સ ગીરમાં વેકેશન માણવા આવી રહ્યા છે.