દિવાળીમાં ફરવા માટે બેસ્ટ છે 'મોતનો ધોધ', જુઓ તસવીરો

દિવાળીના વેકેશનમાં લોકો પરિવાર સાથે પ્રવાસન સ્થળોએ ઉમટી પડે છે, છેલ્લા કેટલાક વર્ષોથી રાજ્યની બહાર જવાને બદલે ગુજરાતના જ સુંદર સ્થળોએ ફરવા જવાનો ક્રેઝ વધ્યો છે. આવું જ ગુજરાતનું સુંદર સ્થળ છે ઝમઝીરનો ધોધ

દિવાળીના તહેવાર નિમિત્તે અહીં પ્રવાસીઓ અહીં મોટી સંખ્યામાં પહોંચી રહ્યાં છે. ઝમઝીર ધોધને મોતના ધોધ તરીકે પણ ઓળખવામાં આવે છે.

જેવું નામ છે તે પ્રમાણે આ ધોધમાં પટકાતાં અનેક લોકોના મોત થયા છે. આટલી ઘટના બાદ પણ તંત્રએ હવે થોડી તૈયારીઓ અને સાવચેતી રાખવી જરૂરી છે.

ગીર સોમનાથના જામવાળા નજીક ઝમઝીર ધોધ આવેલો છે, શિંગોડા નદી પર આવેલા આ ધોધને મોતના ધોધ તરીકે પણ ઓળખવામાં આવે છે કારણ કે આ ધોધમાં અત્યાર સુધી 15થી વધુ લોકોને ભરખી ગયો છે.

દર વર્ષ તહેવારોમાં આ ધોધ ટૂરિસ્ટોમાં આકર્ષણનું કેન્દ્ર બન્યો છે અને દિવાળીના તહેવાર સમયે હજારોની સંખ્યામાં ટૂરિસ્ટો ઉમટી પડે છે.

અહીં આવનારા ટૂરિસ્ટ ધોધની સુંદરતાને કારણે ન્હાવા લલચાય છે, આ દરમિયાન અકસ્માતે ધોધમાં પડતાં મોતને ભેટે છે, મોતનો સિલસિલો અટકાવવા પ્રસાશન કટિબદ્ધ હોવાનો દાવો કરી રહ્યું છે.

કોડીનાર મામલતદારે દાવો કર્યો છે કે મોતનો સિલસિલો અટકાવવા કલેકટરે જાહેરનામું બહાર પાડ્યું છે તેમજ જાહેરનામાના બેનર લગાવાય છે એટલું જ નહિ આસપાસના વિસ્તારોમા જાહેરાત પણ કરાય છે, તહેવાર સમયે અહીં હજારો ટુરિસ્ટ ઉમટે છે જેને ધ્યાને લઇ અહીં પોલીસ નો ચુસ્ત બંદોબસ્ત ગોઠવી દેવાય છે.