15મી મેરેજ એનિવર્સરી માટે આમિર ખાન અને કિરણ પરિવાર સાથે સાસણમાં, આજે સવારે કર્યું સિંહ દર્શન

શનિવારે પોરબંદર એરપોર્ટ (Porbandar Airport) પર આમિર ખાન (Aamir khan) અને તેનો પરિવાર ચાર્ટર ફ્લાઈટ દ્વારા પહોંચ્યો હતો. આજે રવિવારે, આમિર ખાન પોતાના પરિવાર સાથે વહેલી સવારે પ્રથમ ટ્રીપમાં ગીર સેન્ચ્યૂરીમાં (Sasan gir national park) સિંહ દર્શન કરવા ગયા છે. જ્યાં આમિર ખાનને જોવા માટે મોટી સંખ્યામાં તેના ચાહકો એકઠા થયા હતા. આમિર ખાન લગ્નની 15મી વર્ષગાંઠની (Marriage Anniversary) ઉજવણી કરવા પત્ની કિરણ રાવ (Kiran Rao) અને સંતાનો સહિત સાસણ ફરવા આવ્યો છે.

આમિર ખાન અને તેનો પરિવાર સાસણ ગીરમાં ફરવા માટે આવ્યો છે. ત્યારે આજે 11 વાગ્યે આમિર ખાન અને તેનો પરિવાર પોરબંદર એરપોર્ટ પર આવી પહોંચ્યો હતો. હાલ આમિર ખાન અને તેનો પરિવાર ગીર જંગલમાં ફરવા માટે રવાના થયો છે.

આમિરખાન તેની પત્ની કિરણ રાવ તેમજ પુત્ર આઝાદ, પુત્રી ઈરાખાન, એકટર ઈમરાનખાનની પુત્રી ઈમારા સહિત પરિવારજનો સાથે શનિવારે ખાસ ચાર્ટડ પ્લેન દ્વારા મુંબઈથી પોરબંદર આવી પહોંચ્યા હતાં.

58 સભ્યોના આ ખાસ ચાર્ટડ પ્લેનમાં તેમના પરિવારજનો ઉપરાંત તેમનો સ્ટાફ પણ સાથે જોડાયો હતો.

પોરબંદરના એરપોર્ટ ઉપર 30 મિનિટનું રોકાણ કર્યા બાદ 4 લકઝરીયસ કાર અને એક બસમાં આ કાફલો સાસણ જવા રવાના થયો હતો. પોરબંદરના એરપોર્ટ પર તેઓને નિહાળવા માટે મોટી સંખ્યામાં લોકો ભેગા થયા હતા.

સોમવારે એટલે 28મી ડીસેમ્બરના રોજ આમિર અને કિરણની 15મી મેરેજ એનીવર્સરીની ઉજવણી નજીકના પરિવારજનો સાથે કરવાના છે. જે માટે સાસણમાં આવેલા રિસોર્ટમાં તેઓ શનિવારે બપોરે પહોંચ્યા હતાં. જયાં તેઓએ કાઠીયાવાડી વાનગીઓનો પણ સ્વાદ માણ્યો હતો.