દેવભૂમિદ્વારકાઃ અંધશ્રદ્ધાએ મહિલાનો ભોગ લીધો, સાંકળ વડે અને સળીયાને ગરમ કરી ડામ આપતા મોત, ત્રણ બાળકોએ માતા ગુમાવી

મુકુંદ મોકરિયા, દેવભૂમિ દ્વારકાઃ અત્યારના સમયમાં પણ અંધશ્રદ્ધા (Superstition case in devbhumi dwarka) અસ્તિત્વ ધરાવે છે ત્યારે અંધશ્રદ્ધામાં ભૂવા ધૂતારાઓ પીડિત ઉપર અત્યાચારની તમામ હદો પાર કરી દેતા હોય છે ત્યારે આવી જ એક ઘટના દેવભૂમિ દ્વારકામાં (devbhumi dwarka news) પ્રકાશમાં આવી છે. અહીં અંધશ્રદ્ધામાં મહિલાનો ભોગ (woman death due to superstition) લેવાયો હતો. આ અંગે આરોપીઓ સામે ગુનો નોંધીને પોલીસે (police) તપાસનો ધમધમાટ શરું કર્યો છે.

દ્વારકા-જામનગર હાઈવે માર્ગ ઉપર આવેલ ઓખા મઢી ગામની દરગાહ પાસે આવેલા સીમમાં આજે બુધવારે 25 વર્ષીય રમીલાબેન વાલા ભાઇ સોલંકી નામની મહિલાને પાંચ શખ્સોએ ભુવા ભરાડાના નામે ધતિંગ કરી લોખંડની સાંકળ વડે અને સળીયાને ગરમ કરી ડામ આપ્યો હતો.

અસહ્ય યાતનાઓથી દ્વારકાના આરંભડાની રમીલાબેનનું મોત નીપજ્યું હતું. અંધશ્રદ્ધાના કારણે મહિલાનું મોત થવાની ઘટનાથી સમગ્ર વિસ્તારમાં ચકચાર મચી ગયો હતો. અને ઘટનાની જાણ થતાં પોલીસની ટીમ પણ ઘટના સ્થળે પહોંચી હતી.

આ અંગે ડીવાયએસપીએ જણાવ્યું હતું કે, ત્રણ સંતાનોની માતાની લાશનો કબ્જો લઈને તેના પોસ્ટમોર્ટ અર્થે હોસ્પિટલ મોકલી આપવામાં આવી હતી. મહિલાનું અંધશ્રદ્ધાના કારણે ડામ અને માર મારવાના કારણે મોત થયાનું પ્રાથમિક તપાસમાં જાણવા મળ્યું છે. પોલીસે આ અંગે ગુનો નોંધીને આરોપીઓને પકડવાના ચક્રોગતિમાન કર્યા હતા.

ઉલ્લેખનીય છેકે ઓખા મઢી જેવા નાના એવા ગામમાં બનાવથી ચકચાર મચી હતી. અંધશ્રદ્ધાના કારણે મહિલાના મોતથી ત્રણ સંતાનોએ માતા ગુમાવવાનો વારો આવ્યો હતો.