આતંકી હુમલા બાદ કાશ્મીરમાં ફરજ ઉપર પરત જવાનું કહેતા જવાનની પત્નીનો આપઘાત

એક બાજુ દેશ આખો પુલવામામાં થયેલા આતંકવાદી હુમલામાં શહીદ જવાનોના શોકમાં ગરકાવ છે ત્યારે દ્વારકામાં એક જવાનની પત્નીનો આપઘાત થયાની ઘટના બની છે. પતિને દેશનું સુરક્ષા માટે ફરજ પર જવા માટે અટકાવતા પતિ ન માનતા પત્નીએ ઘરમાં આપઘાત કર્યો હતો. (રવિ બુદ્ધદેવ, જામનગર)

મળતી માહિતી પ્રમાણે દેવભૂમિદ્વારકા જિલ્લાના ખંભાળિયામાં ભૂપેન્દ્રસિંહ જેઠવા પરિવાર સાથે રહે છે. તેઓ કાશ્મીરમાં સેનામાં ફરજ બવાજે છે.

તાજેતરમાં કાશ્મીરમાં પુલવામામાં થયેલા આતંકવાદી હુમલામાં સીઆરપીએફના 40થી વધારે જવાનો શહીદ થવાની ઘટનાથી ભૂપેન્દ્રસિંહની પત્ની ગભરાઇ ગયા હતા.

જેના પગલે રજા ઉપર આવેલા ભૂપેન્દ્રસિંહ જેઠવાને ફરજ ઉપર પરત ન જવા માટે દબાણ કર્યું હતું. જોકે, પતિએ દેશની સુરક્ષા માટે જવાની વાત કહી હતી.

આ વાતનું ખોટું લાગી જતાં પત્ની આજે સવારે પોતાના ઘરમાં જ આપઘાત કરી લીધો હતો.

આ ઘટનાના પગલે પતિ ભૂપેન્દ્રસિંહ જેઠવા સહિત પરિવારમાં શોક ફેલાયો હતો.